24.5 C
Pontevedra
Venres, 19 de Xullo de 2024
Máis
    HomeComarcasRedondelaAs bibliotecas de Redondela abren o prazo de inscrición nos clubs de...

    As bibliotecas de Redondela abren o prazo de inscrición nos clubs de lectura

    As persoas interesadas en participar poden facer xa a súa inscrición na Biblioteca P. M. Valle-Inclán de Redondela e na Biblioteca P. M. Xela Arias de Chapela (Redondela).

    Nos clubs de lectura das bibliotecas municipais de Redondela as reunións son mensuais, e lese un libro diferente de cada vez, procurando que as propostas lectoras sexan diversas e variadas.

    Os participantes teñen que ter cumpridos os 18 anos, ter o carné de socios das Bibliotecas Municipais de Redondela, ou ben de calquera outra biblioteca da Rede de Bibliotecas Públicas de Galicia, e inscribirse previamente nun dos clubs.

    Participar é de balde, e as bibliotecas, ademais, proporcionan os libros para cada sesión.

    As reunións dos Clubs de Lectura desenvolveranse entre outubro de 2023 e xuño de 2024, en horario de 20:15 h.

    Así mesmo, as persoas inscritas poderán participar na actividade de Lettering “Debuxar Letras” impartida por Alba Farto dentro do programa “Ler conta Moito” da Xunta de Galicia. A actividade, dirixida exclusivamente aos membros dos Clubs de Lectura, desenvolverase o venres 22 de setembro ás 20:00 horas, é de balde, con prazas limitadas e inscrición previa.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.