21.5 C
Pontevedra
Venres, 19 de Abril de 2024
Máis
    HomeComarcasRedondelaAlberto Álvarez Pérez, toma posesión como novo concelleiro do grupo de goberno...

    Alberto Álvarez Pérez, toma posesión como novo concelleiro do grupo de goberno de Redondela

    Álvarez, que xa fora concelleiro do grupo municipal socialista dende marzo de 2019 ata as pasadas eleccións, asumirá as competencias de Persoal, Limpeza viaria e Parques e Xardíns

    Alberto Álvarez Pérez é, dende onte xoves, novo concelleiro do grupo de goberno do Concello de Redondela logo de tomar posesión da súa acta no Pleno Ordinario da Corporación Municipal.

    Residente en Rande, na parroquia de Cedeira e técnico especialista en automoción, sector no que desenvolve a súa vida laboral, Alberto Álvarez, asumirá as responsabilidades de Persoal, Limpeza viaria e Parques e Xardíns.

    Non é a primeira vez que Alberto Álvarez é concelleiro do Concello redondelán, aínda que nunca o fixera no grupo de goberno. En marzo de 2019, tomaba posesión da súa acta de concelleiro para entrar a formar parte do grupo municipal socialista, ocupando a vacante que, por motivos laborais, deixaba Mauro Álvarez Castro.

    A alcaldesa Digna Rivas, ao igual que os seus compañeiros e compañeiras, non dubida en cualificalo como unha persoa “traballadora, responsable e comprometida coa labor de mellorar a calidade de vida dos seus veciños e veciñas”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.