O Goberno municipal de Redondela que preside a socialista Digna Rivas lamentou “habitual dinámica do PP local de terxiversar as informacións coa clara intención de confundir e enganar á cidadanía” ao afirmar que o Concello perdera unha subvención de 18.000 euros para a contratación de socorristas e “delegue” esa función nunha empresa privada.
“O PP, como sempre, di o que lle interesa e cala o que non lle convén” afirma a alcaldesa redondelá quen explica que a subvención “non é so para seguridade nas praias (socorristas) senón, tal e como figura textualmente na convocatoria da Xunta de Galicia publicada no DOG para iniciativas “de fomento do emprego e mellora da empregabilidade”.
Engade a alcaldesa de Redondela que o Goberno optou por contratar cunha empresa o servizo de seguridade das praias para cubrir tan só o período estival “optando por solicitar a subvención para técnicos/as en promoción turística con contratos de seis meses que, amais de permitir o desenvolvemento de políticas de dinamización turística, ofrecen unha maior estabilidade laboral as persoas contratadas e que, por tanto, axústase aínda máis ao obxectivo de fomento do emprego e mellora da empregabilidade ao que fai referencia o propio Goberno autónomo”.
Lembra a alcaldesa de Redondela que “o fomento da empregabilidade é unha das prioridades deste Goberno” que este ano, por primeira vez, contratará o servizo de limpeza das praias do municipio durante a tempada de verán 2022 a través de Centros Especiais de Emprego de Iniciativa Social e Empresas de Inserción nun claro intento, argumenta Digna Rivas “de contribuír activamente ás políticas de contratación pública inclusiva”.
O máis lamentable, afirma o Goberno redondelán, “é que a suposta denegación desta subvención siga sen ter resposta oficial por parte da Xunta quen, unha vez máis, ao Concello que é o representante lexítimo de todas e todos os veciños sen ningún tipo de distinción”.
No seu afán por desgastar ao Goberno caen os populares en flagrantes contradicións cando, por exemplo, aseguran que opta o Concello pola privatización do servizo de socorristas “delegando” nunha empresa ese cometido cando o PP, durante oito anos “delegaba” en empresas servizos básicos como o de rozado e limpeza de camiños e “tivo que ser o Goberno socialista o que preferiu que ese traballo o realizasen persoas desempregadas do municipio” apunta a alcaldesa Digna Rivas.
“Faría ben o PP preguntando aos seus compañeiros de partido en Santiago os motivos que levan a un Goberno, que se supón que é para todos e todas as galegas, a denegar sistemáticamente toda canta subvención se solicita dende o Concello de Redondela” asegura a rexedora local quen lembra que “buscar a rendibilidade política a través de manobras que prexudican a todas e todos os veciños é unha triste maneira de facer política”.
A Xunta segue sen comunicar ao Concello a resolución sobre a subvención para contratar persoas desempregadas para labores de promoción turística
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.