14.9 C
Pontevedra
Venres, 20 de Maio de 2022
Máis
    HomeComarcasRedondelaA Xunta mellorará a Illa de San Simón

    A Xunta mellorará a Illa de San Simón

    En San Simón, pola súa banda, intervirase en varias edificacións para resolver problemas de humidade e danos causados polas inclemencias do tempo

    A Illa de San Simón e o Museo Massó de Bueu contarán cun investimento de 1,6M € para levar a cabo actuacións de conservación e restauración que promovan o seu uso como recurso cultural sostible. Así o anunciou o conselleiro de Cultura, Educación e Universidade, Román Rodríguez, nunha visita a ambos espazos na que presentou o proxecto das obras que se iniciarán nas vindeiras semanas co inicio do proceso administrativo.

    Melloras na Illa de San Simón

    Por outra banda, Román Rodríguez visitou a Illa de San Simón, onde está previsto poñer en marcha un proxecto para garantir a conservación das estruturas e inmobles existentes tanto en San Simón como na Illa de San Antón. “Este é un espazo único que conta cunha gran riqueza histórica, patrimonial e paisaxística e que o converten nun recurso emblemático para o desenvolvemento de actividades culturais”, indicou o conselleiro antes de engadir que o obxectivo da Xunta é facilitar que a illa sexa “visitada e gozada pola cidadanía”.

    Para conseguilo, a Xunta dedicará 500.000€ a realizar obras que contribúan ao “debido mantemento deste ben para promover tanto os usos existentes como implantar outros novos que reforcen o seu atractivo”.

    O proxecto inclúe a restauración das instalacións, especialmente as relacionadas coa subministración de auga potable, a prol dun consumo máis eficiente. Tamén se actuará nas diferentes construcións existentes para recuperar o seu aspecto orixinal e garantir a súa sustentabilidade. Nesta liña, vaise intervir nos edificios do Seminario, do Centro de Interpretación e da Casa da Cultura, así como no comedor.

    Cómpre sinalar que a Xunta leva investidos xa preto de 400.000 euros en diferentes actuacións nas illas de San Simón e de San Antón, con melloras nos edificios e noutros elementos construtivos, como os peiraos, ademais de varias plantacións. 

    No caso do Museo Massó, o titular autonómico de Cultura explicou que o proxecto prevé un investimento de 1,1M€ para incorporar todas as naves do antigo complexo conserveiro Massó Hermanos no funcionamento do museo. Trátase dunha actuación que, tal e como salientou Román Rodríguez, suporá “un punto de inflexión na historia do museo ao dotalo dunha maior funcionalidade e dos espazos suficientes para poñer en valor o legado mariñeiro tanto de Bueu como para a comarca do Morrazo”.

    Concretamente os traballas centraranse en ampliar o acondicionamento da Sala Lugrís, iniciado en 2021, para integrala na exposición permanente. “A iniciativa permitirá mostrarlle ao público fondos que actualmente permanecen gardados como a serie de seis pinturas de gran formato realizadas nos anos 40 para o comedor das traballadoras da conserveira e que ocupan cerca de 300 metros lineais”, explicou.

    Ademais, a rehabilitación prevista inclúe tamén a mellora dos pavimentos, paramentos verticais, a consolidación de muros estruturais e forxados de pisos. Actuarase tamén sobre acabados, instalacións, sistemas de illamento e acondicionamento ambiental a prol da sustentabilidade e a eficiencia enerxética.

    Rehabilitacións integrais nas naves

    Outro das áreas sobre os que se vai actuar é o tramo sur da nave da antiga conserveira, integrado na exposición permanente desde 2011 para mostrar as embarcacións e a actividade portuaria. Nel farase unha rehabilitación integral, con actuacións en cubertas, paramentos, elementos estruturais e pavimentos, respectando os seus valores culturais e garantindo a sustentabilidade, eficiencia e funcionalidade.

    Os traballos complétanse coa rehabilitación da antiga nave de atadores, que se destinará a almacén para as coleccións do museo, e a recuperación da antiga nave da conserveira como espazo único, coa demolición dos tabiques interiores. A maiores, o proxecto prevé a mellora da accesibilidade ás diferentes zonas visitables.

    Esta actuación súmase á anunciada o pasado verán, destinada a crear unha nova sala de interpretación no Concello de Bueu para a posta en valor do pasado romano da vila, cun orzamento de 225.000 euros confinanciados nun 80% pola Xunta a través dun acordo co Goberno local. Asemade, a Xunta investiu xa máis de 80.000 euros no acondicionamento de cubertas, carpintería e fachada do propio Museo Massó.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS