28.5 C
Pontevedra
Domingo, 3 de Xullo de 2022
Máis
    HomeComarcasRedondelaA Xunta ignora necesidades dos colexios de Redondela mentres inviste en concellos...

    A Xunta ignora necesidades dos colexios de Redondela mentres inviste en concellos afíns coa metade de centros escolares

    A Consellería anuncia unha achega de medio millón de euros para tres CEIP de Mos “mentres deixa sen cumprir os compromisos adquiridos dende o 2019 con Redondela, cuarto municipio da provincia e con mais do dobre de centros escolares públicos”

    A alcaldesa de Redondela, Digna Rivas, considera inaceptable que a Xunta “ignore por completo” as necesidades dos colexios públicos do municipio cando, ao mesmo tempo, “inviste en concellos afíns que contan coa metade de centros escolares”. Para a rexedora local “é impresentable” que a Consellería anuncie o investimento de máis de medio millón de euros en tres CEIP de Mos, con menos da metade de colexios que Redondela, “mentres segue a incumprir os compromisos adquiridos co Concello redondelán”.

    “Non se trata do que outros teñan ou deixen de ter –aclara Digna Rivas– trátase do que a nós nos corresponde con 30 000 habitantes e como cuarto municipio da provincia, e mentres municipios do PP como Mos, coa metade de habitantes teñen tres escolas infantís a Redondela segue negándoselle a segunda”.

    Digna Rivas lembra que en senllas reunións mantidas co Xefe Territorial de Educación, César Pérez Ares no 2019 e coa Delegada Territorial da Xunta en Vigo, Marta Fernández-Tapias, en maio do 2021, trasladóuselle á Xunta de Galicia a situación dos colexios de Redondela, case que todos con case que medio século de antigüidade, e acadárase o compromiso de establecer un calendario para acometer as obras demandadas”.

    Rivas lembra que nas anteditas reunións, “a Xunta comprometeuse a dar solución, o máis rápida posible, aos temas propostos que respondían a necesidades concretas de cada un dos centros escolares”. De feito, na primeira reunión, falouse de establecer un calendario de traballos “a través de reunións entre técnicos da Xunta e a concelleira de Ensino, Olga García Ballesteros, reunións que nunca chegaron a celebrarse”, matiza a alcaldesa.

    “O cumprimento dos compromisos que adquire un Goberno, e máis no caso da Xunta como representante de todos os galegos e galegas, debe estar fora de toda dúbida”, sentencia a alcaldesa de Redondela quen considera que “sería lamentable” que a realización das obras comprometidas co Goberno local estivese a atrasarse “deliberadamente á espera que se aproxime o período electoral e poder anunciar o seu candidato, a bombo e platillo, o inicio das mesmas culpando ao Goberno local do que, nese caso, sería unha actitude sectaria e claramente partidista do Goberno galego”.

    “Se o PP de Redondela preocupásese tanto polo benestar da cidadanía como anuncian, terían que preguntar aos seus compañeiros de Santiago o porqué de manter as instalacións escolares do municipio, co prexuízo que iso supón para todos e todas as escolares, nas condicións en que as teñen. En lugar diso, prefiren manter un silencio cómplice a procura de acadar unha dubidosa rendibilidade electoral”.

    Das obras “de realización urxente” que se puxeron sobre a mesa na reunión co Xefe Territorial de Educación no 2019, o falso teito do CEIP de Angorén está a medio facer; o peche da pista de Cedeira “dixeron que o ían facer, pero sen establecer data algunha”; o cambio das ventás do colexio de Cesantes “as farán cando remate o curso, dous anos e medio despois de terse comprometido” e na reforma integral do colexio de Reboreda “van dando cartos aos poucos e a dirección decide as obras a realizar, cando o desexable sería facer a remodelación total que o centro precisa”, di Digna Rivas.

    De outras obras, como a pista cuberta do IES Chapela, a ampliación do patio do CEIP Laredo, a ampliación do IES Pedro Floriani ou a retirada do amianto da cuberta nese centro e no CEIP de Cedeira “non se ten noticias nin asemella que se vaia adoptar solucións”.

    COLABORACIÓNS

    ¡Hogueras de San Juan!

    Ha pasado la noche de San Juan y parece que todo vuelve a la normalidad. Si, porque se han vuelto a ver grupos de gente en las playas como si el virus no hubiera existido nunca. Me pregunto, si también será culpa de Rusia que el virus hubiera desparecido, porque ya todo el mundo está actuando como si nada. ¡Ah! espera, en los hospitales sigue habiendo gente ingresada con el covid y que todos los días sigue falleciendo enfermos a causa de esta enfermedad... pero ya no es noticia porque en la prensa apenas aparece en letra pequeña.

    Marilar Aleixandre, «Unha presa de terra»

    Se fai só algunhas semanas dabamos conta neste mesmo espazo dunha reedición ampliada da novela «Sobrevivindo», coa que Arantza Portabales gañara un coñecido premio de novela por entregas organizado por un xornal galego, o que hoxe traemos é un caso que semella calcado daquel.

    Nueva oportunidad para las aguas del río Tea

    Aprovechar nuestros recursos y sacar de ellos el mayor rendimiento posible es una estrategia de gestión que conviene seguir. De manera sencilla, se trata de potenciar aquello que ya tenemos, intentando hacerlo mejor y más atractivo, sin necesidad de comprar o importar elementos nuevos o extraños. Se trata de aplicar, por tanto, la eficiencia.

    Summer is coming

    Últimamente me está costando ser constante y escribir el último domingo de cada mes (aún gracias que ser puntual fue uno de los numerosos propósitos que me marqué para este 2022), así que os dejo el texto que correspondería al mes de mayo.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    13 POSTS0 COMMENTS
    Manrique Fernández
    66 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS