A alcaldesa de Redondela, Digna Rivas, acompañada por concelleiros da Corporación Municipal, inaugurará este vindeiro sábado 21 de maio, ás 20 horas, a Vía Verde de Chapela. Se ben a vía está operativa dende hai uns meses, o acto inaugural tivo que ser aprazado polas restricións sanitarias vixentes naquel momento pola pandemia da Covid-19.
O acto contará con banda sonora propia xa que, para esta ocasión especial, a Banda de Música de Chapela ofrecerá un concerto que baixo o nome de Cambio de Vía, combina a música composta pola banda co relato escrito e narrado por Berto Pirata. Música e letras únense para homenaxear ao tren e dar a benvida á Vía Verde de Chapela.
Digna Rivas puxo de manifesto a importancia das políticas que, como as que se están a desenvolver agora en Redondela, “permitan gañar espazos para o esparexemento e convivencia da cidadanía”.
A rexedora local lembrou que a transformación da zona que ocupaba a vía férrea va máis aló da propia Vía Verde xa que la contorna a antiga estación crearase un espazo deportivo e skatepark cuxo proxecto atópase, nestes momentos, en fase de redacción. A posta en marcha deste espazo “da resposta ás demandas da mocidade de Chapela e, ao mesmo tempo, continúa o proceso de recuperación e transformación da contorna”
“Asistimos nestes tempos –afirma a alcaldesa de Redondela– a un cambio de tendencias nas vilas e cidades nas que se prima a recuperación de espazos para as persoas fronte aos vehículos, transformándoas en espazos amables, seguros e que melloran a calidade de vida das veciñas e veciñas”.
Nese sentido, a Vía Verde recupera un espazo absolutamente degradado para convertelo “nun balcón privilexiado sobre a ría”, conclúe Digna Rivas.
A Vía Verde de Chapela que se inaugura este sábado contará con banda sonora propia
A alcaldesa Digna Rivas subliña a importancia de políticas “que permitan gañar espazos de esparexemento e convivencia para a cidadanía”
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.