10.1 C
Pontevedra
Luns, 26 de Febreiro de 2024
Máis
    HomeComarcasRedondelaA sustentabilidade será a protagonista da campaña de Nadal no comercio de...

    A sustentabilidade será a protagonista da campaña de Nadal no comercio de Redondela

    Durante todo este mes de decembro poñeranse en marcha unha serie de iniciativas de apoio e promoción do comercio de Redondela con motivo da campaña de Nadal. Esta semana comezaron a preparación das decoracións de Nadal. O elemento identificativo dos establecementos asociados á campaña está elaborado en madeira como material principal en concordancia co uso de materiais sustentables e procedentes de bosques con selos FSC e PEFC que garanten a procedencia de montes xestionados de forma sustentable.

    A campaña incentivará as compras con sorteos e premios. O gran sorteo final con 3.000 € en vales de compra contará este ano cun sistema de participación dixital o que contribuirá a redución de consumos.

    As prazas de abastos terán sorteos especiais que contarán coa colaboración do Concello de Redondela. O vindeiro luns 4 ás de decembro Concello e Asociación de Empresarios de Redondela presentarán conxuntamente o programa de promoción para o Nadal. Ambos mercados municipais, de Redondela e Chapela contarán coas promocións e por primeira vez promoverase un sistema de participación mixto para os sorteos de forma que se poderá participar tanto online como offline.

    A Asociación de Empresarios de Redondela, durante as semanas centrais de Nadal a campaña, desde o 15 de decembro ao 5 de xaneiro, semanas onde o empaquetado de agasallos supón un importante sobre custe para os establecementos, distribuirá entre os comercios material de packaging elaborado con materiais reciclados e totalmente biodegradables como bolsas e sobres de agasallo co obxecto de axudar ao comercio local e contribuír a posta en marcha de accións de sustentabilidade. Estas accións desenvólvense no marco do proxecto de dinamización comercial do Centro Comercial Aberto de Redondela e xestionado pola Asociación de Empresarios e que veñen contando co financiamento e apoio da Xunta de Galicia a través da Dirección Xeral de Comercio.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.