8.7 C
Pontevedra
Xoves, 28 de Marzo de 2024
Máis
    HomeComarcasRedondelaA rápida intervención de dous axentes da Policía Local de Redondela evita...

    A rápida intervención de dous axentes da Policía Local de Redondela evita un incendio nunha cociña de Cedeira

    A rapidez de resposta de dous axentes da Policía Local de Redondela na mañá de hoxe, fixo que o que podía ter sido un grave suceso, quedara tan só nun susto sen danos materiais nin persoais.

    Un particular alertaba á Policía que na rúa Estación, moi preto da estación de ferrocarril de Redondela, se lle pechara a porta da vivenda e, non interior, quedara un cazo fervendo ao lume.

    Unha vez persoados no lugar dos feitos, os axentes puideron comprobar como, dende o interior do inmoble, saía unha fumareda así como un forte cheiro a queimado polo que procederon a abrir con rapidez a porta observando, como no interior, cheo de fume, estaba a arder a cazola que foi sofucada de inmediato.

    Esta rápida intervención fixo que non se produciran danos nin materiais nin persoais e o que podería terse convertido nun grave suceso, quedou nun susto.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.