A Policía Local de Redondela acompañada por axentes da Policía Nacional procedía a detención, na tarde do sábado, dun varón de 48 anos, domiciliazo en Vigo, por un presunto delito de roubo con forza nunha vivenda de Chapela.
Os feitos acontecían cara as 16 horas cando os axentes recibían unha chamada dun particular que daba conta de que un home estaba ‘apalancando’ a porta dunha vivenda na parroquia de Chapela.
Chegados ao lugar dos feitos, os axentes da Policía Nacional puideron comprobar como, efectivamente, se tiña intentado forzar o acceso a unha vivenda. Logo de recabar datos y facilitadas informacións ás patrullas policiais pola colaboración cidadá, a Policía Local de Redondela localiza, á altura dun taller de automóbiles da zona, ao presunto autor dos feitos que fuxía polas vías do tren en dirección a Vigo.
Comprobada a súa identidade e as coincidencias aportadas polos axentes, procedeuse á detención do home por un presunto delito de roubo con forza, sendo trasladado á comisaría de Vigo.