Rapaces de Redondela terán a oportunidade de participar, durante este Nadal, nos obradoiros que a Concellería de Cultura que xestiona Iria Vilaboa organiza no Multiúsos da Xunqueira de Redondela e no Multiúsos do Piñeiral do Crego de Chapela onde, interesados e interesadas, poderán inscribirse xa.
Os obradoiros se desenvolverán os días 27, 28, 29 e 30 de decembro de 2021 amais do 3 e 4 de xaneiro do 2022 de 18 horas a 20 horas e neles, nenos e nenas terán actividades de creación de manualidades amais de xogos, música e moita diversión.
A iniciativa busca, tal e como explica a alcaldesa Digna Rivas, un dobre obxectivo. “Por unha banda que as nenas e nenos conten con máis alternativas de ocio neste tempo de vacacións e poidan relacionarse con outros rapaces e rapazas e gocen da creación. Por outra, nais e pais dispoñerán de tempo para facer as súas compras de Nadal con tranquilidade, sabendo que os seus fillos e fillas están ao coidado de persoas cualificadas e en actividades divertidas”.
A alcaldesa lembrou que, como todas as actividades que desenvolve o Concello “e máis as que teñen como destinatarios aos máis pequenos e pequenas” os Obradoiros de Nadal celebraranse baixo estritas medidas de seguridade sanitaria.
A Concellería de Cultura organiza Obradoiros de Nadal para nenos en Redondela e Chapela
As actividades desenvolveranse do 27 ao 30 de decembro e o 3 e 4 de xaneiro do 2022
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.