10.2 C
Pontevedra
Venres, 29 de Marzo de 2024
Máis
    HomeComarcasRedondelaA alcaldesa de Redondela retoma os encontros coa veciñanza nas parroquias que...

    A alcaldesa de Redondela retoma os encontros coa veciñanza nas parroquias que tiveron que ser suspendidos pola pandemia

    Para a alcaldesa Digna Rivas, o contacto directo con veciños e veciñas, coñecer a súas opinións, suxestións e problemas, “é fundamental para a labor de Goberno” afirma Digna Rivas

    A alcaldesa de Redondela, Digna Rivas, vén de anunciar a súa intención de retomar as reunións periódicas coa veciñanza das parroquias para dar a coñecer os proxectos que, para cada unha, ten o Goberno que preside e “escoitar as opinións, suxestións e problemas que veciñas e veciños lle poidan trasladar”.

    “Somos a administración máis próxima á cidadanía e como tal temos que actuar” afirmou Digna Rivas para quen escoitar o que pensa a veciñanza sobre o traballo do Goberno, darlles a coñecer os proxectos que se ten para a contorna onde desenvolven o seu día a día e escoitar as súas suxestións e queixas “é fundamental para a labor de Goberno se realmente se quere gobernar para todos e todas sen ningún tipo de distinción”.

    A primeira cita para estas xuntanzas será o vindeiro 19 de abril ás 19:30 h no Centro Cultural de Cesantes á que seguirá a que se celebre o 6 de maio, tamén ás 19:30 horas no Centro Cultural de Vilar. Amais da cidadanía en xeral, o Goberno local fará unha invitación as asociacións veciñais de cada unha das parroquias para que estean presentes nas reunións como representantes das veciñas e veciños.

    Tralas primeiras reunións celebradas, a pandemia da Covid-19 freou en seco o calendario previsto e, posteriormente a restrición acordada polas autoridades sanitarias en canto ao número máximo de persoas que podían reunirse, tampouco fixo posible retomar esta actividade “que polo seu carácter de canle de comunicación directa entre a cidadanía e o Goberno local, non poden ter ningún tipo de restrición que impida que calquera veciña ou veciño poida asistir”, aclara Digna Rivas.

    Coa chegada dunha nova normalidade a alcaldesa confía en que estas xuntanzas “sexan o que tiñamos planeado, unha ferramenta útil e áxil que nos permita coñecer, de primeira man, ás inquedanzas e peticións das veciñas e veciños que son, evidentemente, quen mellor coñecen a súa parroquia”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.