Dende onte, día 1 de maio, a Alameda Rosalía de Castro de Chapela acolle a exposición Mulleres en Pandemia, organizada pola Asemblea Feminista Paxaretas e que estará aberta ata o día 15 de maio. A mostra recolle as testemuñas de máis de medio cento de mulleres da do municipio sobre as súas vivencias no eido laboral durante a pandemia.
Profesionais da sanidade, educadoras, panadeiras, investigadoras, froiteiras, empresarias, limpadoras, equilibristas do teletraballo e moitas máis están presentes nesta exposición que quere amosar “que todos os traballos, remunerados ou non, son esenciais, que todas as traballadoras sumamos na nosa sociedade”, recalda ‘Paxaretas’.
A exposición, que previamente estivo exposta en Redondela, tivo unha extraordinaria aceptación.