9.6 C
Pontevedra
Xoves, 28 de Marzo de 2024
Máis
    HomeO CondadoSalvaterra de MiñoA Asociación Lazoiro reclama o fin dos herbicidas en Salvaterra no Día...

    A Asociación Lazoiro reclama o fin dos herbicidas en Salvaterra no Día Mundial das Abellas

    Nun intento de concienciar á sociedade sobre a importancia, tanto no medio ambiente como na sociedade, das abellas, Nacións Unidas decretou o 20 de maio como o día mundial da abella. Ese día, ademais de amosar a relevancia destes pequenos insectos, procura alertar sobre as ameazas ás que se enfrontan as abellas na actualidade, tales coma o uso de pesticidas e herbicidas, os incendios forestais ou a chegada de novos inimigos, como por exemplo o tártago asiático (Vespa velutina) e sensibilizar á poboación sobre a necesidade de protexelas.

    Este ano, Lazoiro uniuse á campaña lanzada pola ONU destinada tanto ás abellas coma outros polinizadores que desenvolven un papel fundamental na supervivencia dos ecosistemas, xa que son as encargadas da reprodución de un gran número cultivos e plantas silvestres.

    Por iso, aínda considerando as terribles consecuencias a nivel social e económico que está a ter nas nosas vidas a pandemia do COVID-19, dende Lazoiro, consideramos que é un deber de todos, tanto a nivel individual como a nivel colectivo, tomar todas as medidas que estean nas nosas mans para protexer ás abellas. Non só polo medio ambiente, senón un futuro con garantías para o sector agrícola.

    Algunhas das medidas solicitadas ao Goberno do Concello de Salvaterra van dende o cese inmediato do uso de herbicidas e pesticidas na eliminación das herbas, ata á creación dun servizo para mellorar a eficacia na erradicación dos niños de Vespa Velutina, pasando por deixar de desbrozar a ribeira do río miño, limitándose unicamente á corta exclusiva do espazo correspondente ao paso dos camiños, respetando a REDE NATURA.

    Ademais, dende Lazoiro volvemos a pedirlle ao Concello que lle esixa á Xunta de Galicia o cese de uso de herbicidas nas estradas da nosa localidade.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.