12 C
Pontevedra
Venres, 29 de Marzo de 2024
Máis
    HomeO CondadoPonteareasUnha vintena de voluntarios limparon a contorna do río Uma

    Unha vintena de voluntarios limparon a contorna do río Uma

    Retiraron dende extintores ata aceites, colchóns ou diferentes elementos de automóbiles

    Gran labor o realizado polo grupo rapaces e rapazas do voluntariado ambiental xuvenil, que retomaron as saídas cunha recollida de residuos no na contorna do Uma. Unha mañá de traballo na que percorreron as beiras do río retirando unha morea de residuos da máis variada tipoloxía, dende extintores e aceites e disolventes, ata colchóns, xeringas ou distintas partes de automóbiles, como defensas ou rodas.

    O concelleiro de Mocidade e Voluntariado, Miguel Bouzó, resalta a importancia da retirada de todo o lixo recollido durante xornada, “situado en zonas de escorrentía que provoca que os residuos rematen no río”. O edil quixo agradecer o traballo dos voluntarios e voluntarias, que demostraron unha vez máis que Ponteareas conta con mocidade comprometida coa localidade e co medio ambiente.

    “Con estas accións buscamos contribuír a acabar co grave problema que supón o abandono de lixo nun espazo natural, pero tamén contribuímos a concienciar á mocidade sobre a importancia de conservar a nosa contorna natural”, concluíu.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.