23.8 C
Pontevedra
Domingo, 2 de Outubro de 2022
Máis
    HomeO CondadoPonteareasTradición e modernidade sobre o escenario co concerto de Xisco Feijoo este...

    Tradición e modernidade sobre o escenario co concerto de Xisco Feijoo este sábado 17 en Ponteareas

    Despois de máis de 30 anos facendo un incesante traballo de recuperación etnográfica e colaborando en máis de 20 discos e espectáculos de artistas de proxección internacional, Xisco Feijoo chega esta fin de semana a Ponteareas coa súa primeira achega musical en solitario, ‘Peixe’, que inclúe unha peza do mesmo nome galardoada co premio aRi[t]mar á mellor canción galega do ano 2021.

    Será este sábado 17 de setembro ás 21.00 horas no auditorio da Feira Vella ao abeiro das Festas de Setembro do Concello de Ponteareas, onde presentará un espectáculo preñado da esencia máis fonda da música tradicional interpretada dende unha ollada contemporánea. Unha visión dominada polas novas tecnoloxías pero con respecto e posta en valor das orixes máis puras e ancestrais.

    “Queremos celebrar o noso mes grande de festas non só con espectáculos e lecer para todos os públicos e gustos, senón tamén cun programa que reafirma o compromiso do Concello coa nosa cultura e a nosa lingua”, salienta o concelleiro de Cultura, Fernando Groba.

    O concerto forma parte da programación da Rede Galega de Teatros e Auditorios, impulsada pola Axencia Galega das Industrias Culturais (AGADIC), polo que terá un curso de 3 euros. As localidades estarán a venda de forma anticipada venres e sábado de 11.00 a 14.00 horas na biblioteca municipal e o sábado a partir das 19.30 horas e tata o comezo do espectáculo na propia Feira Vella.

    Cantante, premiado bailador, coreógrafo, presentador de televisión, mestre da ETRAD ou coordinador da sección de canto da Orquestra Folk de Galicia SondeSeu son algunhas das súas máis destacadas facetas como artista total, traballador tenaz a prol do canto e do baile tradicional. En todas elas é quen de deixar a súa pegada: a esencia máis fonda da música de creación colectiva, a partir da experiencia e a investigación, pero dende unha óptica moderna e renovadora. Entre os seus traballos atópanse colaboracións con Mercedes Peón, Xosé Manuel Budiño, Carlos Núñez, Kepa Junquera, Berrogüetto, Rodrigo Romaní ou Tanxugueiras, coas que traballou como actor e bailador en ‘Midas’.

    Por outra banda, o Concello informa de que se adía a celebración do LV Concurso de Gaitas do País, prevista para este sábado 17 pola tarde e que incluía ruada dos grupos participantes polo centro urbano previa ao certame.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS