16.5 C
Pontevedra
Martes, 4 de Outubro de 2022
Máis
    HomeO CondadoPonteareasRodrigo Iglesias, novo director da Banda de Música Xuvenil de Xinzo

    Rodrigo Iglesias, novo director da Banda de Música Xuvenil de Xinzo

    Ante a marcha do ata agora director da Banda de Música de Xinzo, Javier Blanco, por motivos profesionais, a agrupación pontareana ten xa novo director. Trátase do vigués Rodrigo Iglesias, quen tomará a batuta da banda ata, como mínimo, finais deste ano. En xaneiro, a Banda de Xinzo abrirá probas para a elección definitiva de director.

    Rodrigo Iglesias (Vigo, 1994) conta cun destacado currículo, pois, tras comezar os seus estudos musicais en Valladares, continuou a súa formación como trompetista no Conservatorio Profesional de Música de Vigo, onde obtivo o premio de Fin de Grao. Pero non sería este o único, pois ao finalizar en 2018 o grao Superior no Conservatorio Superior de Música de Vigo, volveu ser recoñecido cun galardón similar, o Premio Extraordinario de Fin de Grao Superior. A isto, súmase o seu paso por orquestras tan importantes como a Orquestra Joven da Sinfónica de Galicia ou a Orquestra Joven Leonesa, así como a súa colaboración aínda a día de hoxe noutras como a Orquestra Sinfónica de Galicia, a Real Filharmonía de Galicia ou a Orquestra Sinfónica de Extremadura. Ademais, traballa como profesor de trompeta en varias escolas de música.

    A partir de agora, á súa traxectoria engádese o poñerse a cargo da agrupación pontareana. “Síntome moi agradecido e entusiasmado por esta oportunidade de dirixir a Banda de Música Xuvenil de Xinzo”, asegura Rodrigo, para quen é “un pracer tomar a batuta dunha agrupación que conta cun gran nivel e unha traxectoria impecable”.

    Co seu novo director ao mando, a Banda de Xinzo céntrase xa na próxima gran cita: o concerto anual en honra a Santa Icía, que terá lugar a finais de novembro.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS