17.6 C
Pontevedra
Xoves, 29 de Setembro de 2022
Máis
    HomeO CondadoPonteareasEste venres terá lugar unha nova presentación dentro do Mes dos Libros...

    Este venres terá lugar unha nova presentación dentro do Mes dos Libros en Ponteareas

    O mes dos libros chega á súa recta final en Ponteareas coa presentación dunha nova obra creada por autores da vila e da contorna. Este venres 29 de abril, o escritor mondaricense Fernando Juan Morado, Cone, e a ilustradora carralesa A Flaira estarán ás 20.00 horas na sala multiúsos do auditorio municipal para falar do seu libro ‘As costas do alén’, composto por 27 relatos, sete poemas e 34 ilustracións.

    A historia parte de Cede, unha estudante no Santiago dos anos 60, que experimenta unha vivencia mística na serra do Suído, onde se transmuta nun toxo no que pousa un corvo azul que lle vai facendo confidencias. Estas visións dan lugar a un libro-catálogo de animais reais, ficticios, soñados, mixtos e plantados que, a través das súas páxinas, fala dos bosques e montes, de casa abandonadas e de habitantes na diáspora de si mesmos.

    Fernando Juan Morado, Cone, leva inmerso no eido cultural, teatral e literario dende ben novo e chega a gañar un concurso de proxectos inclusivos xunto coa asociación COGAMI con ‘Contos enfiados’, un taller teatral no que colaboran os usuarios e usuarias da entidade para realizar dende os decorados ata a posta en escena para levar o espectáculo por teatros e auditorios de todo o país. Na súa vila natal, Mondariz, participa en proxectos culturais como o documental ‘Conversas con Kubala’, un escritor e cronista local e idea o acto poético de plantar un libro e escribir unha árbore, que se leva a cabo na Praza Maior. Xa no ano 2021 publica ‘As costas do alén’, a súa primeira obra.

    Pola súa banda, a carralesa María Rodríguez Rodríguez, coñecida polo nome artístico da Flaira, é docente especializada en didáctica e aplicación das artes plásticas en educación infantil e leva traballando dende os anos 90 en proxectos de base tecnolóxica e artística neste eido. Destaca, entre outras iniciativas, o seu traballo de difusión da figura de Urbano Lugrís en colaboración coa Fundación Caixa Galicia e a súa implicación na socialización do feito artístico. Realiza estadías e residencias creativas dende 2014 en África centradas na plástica da figura feminina e no empoderamento diario da muller africana, o que inspira os seus proxectos ‘Peixes Yoff’ e ‘Redeiras’. En 2020 ilustra o relato de Kike Turrón ‘Bailar, se trata de eso’ e no 2021 colabora con Fernando Juan Morado na posta en marcha da obra que traen este venres en Ponteareas.

    O concelleiro de Cultura, Fernando Groba, convida a toda a veciñanza a participar nesta presentación de balde e gozar dunha tarde coñecendo “a algún das e dos protagonistas da época de pleno esplendor na creación literaria que vive Ponteareas, a comarca e a propia Galicia, con novas autoras e autores cun gran potencial e moita ilusión que están a realizar un gran traballo”. A presentación forma parte do programa ‘Abril, mes dos libros’, un ciclo de encontros con escritores e escritoras da comarca e as súas obras cos que conmemorar o Día Mundial do Libro e do Dereito de Autor.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS