17.7 C
Pontevedra
Xoves, 23 de Maio de 2024
Máis
    HomeO CondadoPonteareasQuico Cadaval e Pablo Castaño luciranse en Ponteareas con ‘Ornitology’

    Quico Cadaval e Pablo Castaño luciranse en Ponteareas con ‘Ornitology’

    A palabra e o jazz serán os grandes protagonistas esta fin de semana en Ponteareas. Quico Cadaval e Pablo Castaño súbense este sábado 26 de novembro ao escenario da sala multiúsos do auditorio municipal para facer gozar ao público con ‘Ornitology’, un espectáculo a medio camiño entre a narración tradicional, a épica escénica e o cabaré literario partindo dun dos temas máis populares do xénero.

    Trátase dunha proposta que, como sinala o concelleiro de Cultura, Fernando Groba, “busca homenaxear a esta peza clásica de Charlie Parker e Benny Harrys favorecendo unha escoita activa por parte dos e das asistentes e convocando a dúas das personalidades galegas máis relevantes nos seus ámbitos: o narrador Quico Cadaval e o saxofonista Pablo Castaño”.

    Partindo dun dos estándar de jazz máis populares e tocados ata o día de hoxe, Cadaval dará forma a un relato libre no que transparenta vivencias e curiosidades da vida, mito e personalidade sonora de Parker. Mentres, Castaño complementará as progresións do narrador o seu saxo alto, reinterpretando pasaxes musicais de varios clásicos. Groba anima a toda a veciñanza a achegarse á sala multiusos para mergullarse nun espectáculo “que ofrecerá ao público unha experiencia na que se suceden a improvisación oral e musical con aderezos humorísticos, poéticos, irónicos e virtuosísticos”. A representación será ás 20.00 horas con entrada libre ata completar aforo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.