10.2 C
Pontevedra
Mércores, 19 de Maio de 2021
Máis
    HomeO CondadoPonteareasPonteareas xestionou a limpeza e roza de 138 parcelas en Padróns para...

    Ponteareas xestionou a limpeza e roza de 138 parcelas en Padróns para a prevención de lumes

    O concello tramitou máis de 100 contratos entre a veciñanza e a empresa pública SEAGA no marco do convenio coa Xunta de Galicia e a FEGAMP. A xestión supuxo a roza de máis de 6 hectáreas

    O Concello de Ponteareas xestionou e tramitou o pasado ano 2020 máis dun cento de contratos entre a empresa pública SEAGA e veciñanza da parroquia de Padróns para a limpeza e roza de parcelas situadas a carón de núcleos habitados e a prevención dos lumes forestais.

    Segundo informou a concelleira de Medio Ambiente, a nacionalista Rosa Covelo, os contratos realizáronse no marco do convenio asinado entre a Xunta de Galicia, a Fegamp e SEAGA. A parroquia de Padróns foi a elixida para poñer en marcha esta iniciativa ao tratarse dunha das máis afectadas pola vaga de lumes do ano 2017. A intención do Goberno Local é estender progresivamente este sistema de prevención dos lumes forestais ao resto das parroquias.

    O pasado verán, o Alcalde Xosé Represas, a concelleira Rosa Covelo e técnicos municipais e de SEAGA mantiveron un encontro coa veciñanza da parroquia de Padróns no que explicaron como acollerse ao servizo de roza e limpeza de parcelas. A concelleira de Medio Ambiente amósase satisfeita co balance dos primeiros seis meses de aplicación do convenio en Ponteareas pois “dende o Concello xestionamos xa máis de 100 contratos que supuxeron a limpeza e roza por parte de SEAGA de máis de 6 hectáreas en 138 propiedades situadas a menos de 50 metros dos núcleos”. Ademais, a campaña de información desenvolvida servíu para que outros moitos propietarios/as limparan as súas propiedades directamente ou contratando os traballos con outras empresas.

    A iniciativa posta en marcha en Padróns permite que os propietarios/as con obriga de limpar e rozar as súas parcelas poidan contratar os traballos á empresa pública SEAGA, mediante o pagamento dunha taxa e en condicións económicas máis ventaxosas ao tratarse dunha empresa pública. O custo está establecido en 35 euros por cada 1.000 m2. As pequenas dimensións de moitas das parcelas fai que os traballos de limpeza resulten pouco rendíbeis para o sector privado e que os prezos de mercado sexan máis elevados, polo que a intervención dunha empresa pública contribúe a que a propiedade poida abordar a limpeza con prezos máis asequíbeis. A concelleira de Medio Ambiente animou aos propietarios/as que aínda non cumpriron coa súa obriga de limpeza a que aproveiten esta oportunidade. Aqueles que aínda non cumpriron coas súas obrigas están recibindo requirimentos para que limpen as súas parcelas e no caso de non facelo poderán ser sancionados. “Agora non hai excusas”, sinalou Rosa Covelo, “e daquí ao verán as parcelas afectadas deberán estar limpas e rozadas e os nucleos de poboación protexidos. Os propietarios poden escoller facelo pola súa conta, con SEAGA ou con outras empresas, pero deixar as parcelas abandonadas non é unha opción”.

    COLABORACIÓNS

    ¡¿Libertad?!

    Hace unas semanas decía Spain is different y hoy me vuelvo a reafirmar en lo dicho. El estado de alarma se acabó en España ante la inoperancia de nuestros políticos; todos ellos, del primero al último, me da igual el color. Nadie ha sido capaz de plantear una alternativa al mismo después de año y pico de pandemia.

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS