10.2 C
Pontevedra
Venres, 29 de Marzo de 2024
Máis
    HomeO CondadoPonteareasPonteareas tendrá una sesión dobre de contacontos para bebés de 0 a...

    Ponteareas tendrá una sesión dobre de contacontos para bebés de 0 a 3 anos co programa Apego

    O programa Apego volve traer a Ponteareas unha nova actividade na que os nenos gozarán dunha tarde de lecer e descubrimentos en lingua galega. O vindeiro luns 27 de febreiro a sala multiúsos do auditorio municipal acollerá unha sesión dobre de contacontos sensorial destinados especialmente a bebés de 0 a 3 anos, a primeira ás 17.30 horas e a segunda ás 18.30 horas.

    Nesta actividade, a cargo de Eduvía, bebés e persoas adultas acompañantes compartirán unha experiencia feliz da man das palabras, as emocións que acompañan as palabras, as cancións, a lectura, os libros… Todo acompañado de obxectos manipulábeis para chamar a atención deste público inquieto e, á vez, ávido de experimentar e de gozar xunto aos seus seres queridos.

    Estes contacontos serán de balde, aínda que para poder asistir é necesaria a inscrición previa, xa que hai prazas limitadas. As persoas interesadas poden reservar a súa a través do correo electrónico lingua@ponteareas.gal ou chamando ao teléfono 986 640 000, extensión 1010.

    Este espectáculo de Eduvía forma parte das actividades que fomentan a vinculación das familias co galego dentro do programa Apego, “un proxecto colectivo pensado para fomentar e facilitar a transmisión do galego como lingua inicial e a socialización dos nenos e nenas de entre 0 a 6 anos no noso idioma”; como explica Fernando Groba, concelleiro de Lingua. Groba convida a todas as familias con bebés de 0 a 3 anos a gozar desta actividade que fomenta compartir experiencias únicas entre a cativada e os seus pais, avós…

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.