14.6 C
Pontevedra
Domingo, 25 de Febreiro de 2024
Máis
    HomeO CondadoPonteareasPonteareas reformará o centro Asprodico potenciando a sostibilidade e o confort de...

    Ponteareas reformará o centro Asprodico potenciando a sostibilidade e o confort de usuarios

    O Concello vén de sacar a licitación a execución do proxecto de mellora do centro municipal Asprodico, no que se prestan con carácter principal servizos de atención temperá e de atención diúrna terapéutica ocupacional. O obxectivo destes traballos é mellorar a envolvente térmica do edificio e dotar de instalacións de climatización para potenciar a confortabilidade das instalacións e a redución das emisións de CO2.

    “As melloras nestas dependencias beneficiarán aos usuarios e usuarias das instalacións, tanto aos veciños e veciñas aos veciños e veciñas que participan nos obradoiros ocupacionais como as persoas con discapacidade da comarca que utilizan os servizos de Adapta, que poderán gozar dunhas instalacións modernas e confortables. E tamén repercutirá de forma positiva nos socios e socias da Asociación Veciñal de Canedo, que na actualidade conta cun local no propio centro que tamén será remodelado”, destaca a alcaldesa, Cristina Fernández Davila.  

    Con estas obras acometerase o illamento das fachadas polo exterior dos distintos módulos, da cuberta polo exterior e dos falsos teitos; substituiranse as carpintarías exteriores dos módulos superiores; realizarase a renovación integral dun local da planta baixa e o acondicionamento da soleira de todos os módulos da planta superior, entre outras actuacións. “Con estas actuacións lograrase ademais un aforro no consumo do edificio do 56%”, salientou a concelleira de Benestar Social, Verónica Carrera.

    O Concello conseguiu fondos europeos e provinciais para acometer esta actuación, que suporá un investimento de case 328.000 euros. Será cofinanciada pola Unión Europea a través do Fondo Europeo de Desenvolvemento Rexional (FEDER) no marco do Programa Operativo de Crecemento Sostible 2014-2020, medidas 1 e 17 a través do IDAE, do Ministerio para la Transición Ecológica, e a través do Plan Concellos 2021 da Deputación de Pontevedra.

    As empresas e as e os profesionais interesados en presentar as súas propostas poderán facelo ata o 28 de febreiro ás 14.00 horas.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.