22.5 C
Pontevedra
Luns, 15 de Abril de 2024
Máis
    HomeO CondadoPonteareasPonteareas recuperará a Casa Cultural de Couso

    Ponteareas recuperará a Casa Cultural de Couso

    O Concello saca a licitación a reforma deste edificio, que hoxe está en moi mal estado, para que a veciñanza poida volver gozar del

    O Concello de Ponteareas recuperará a Casa Cultural de Couso, un edificio de importancia para o barrio de Guláns que actualmente está en moi mal estado, xa que é moi antigo, do ano 1950, para que a veciñanza poida volver gozar del. A alcaldesa de Ponteareas, Cristina Fernández Davila, destaca que con esta intervención “volveremos dar vida a un espazo histórico para Couso” cunha recuperación que, “ademais de arranxar os seus problemas estruturais, tamén mellora en gran medida a eficiencia enerxética co fin de reducir o consumo e a súa pegada de carbono”.

    O edil de Cultura, Fernando Groba, tamén quere destacar “a importancia que ten esta intervención para a cultura de Ponteareas en xeral, e para a de Couso en particular”, xa que, cando se remate a recuperación do edificio as entidades culturais terán un novo lugar, “accesible, cómodo e moderno, onde poder facer e gozar da cultura”.

    O Concello destinará máis de 150.000 euros á recuperación da Casa Cultural, dos cales 78.529 euros serán fondos propios e 73.302 euros dunha subvención do Instituto para la Diversificación y Ahorro de Energía (IDAE) cofinanciada pola Unión Europea a través dos fondos FEDER.

    A recuperación porá fin ao mal estado do edificio no que os elementos estruturais de forxados e cuberta presentan un mal estado de conservación, o que provoca que na actualidade estea apuntalado para que non se derrube. A intervención corrixirá todos os problemas estruturais e tamén dotará ao espazo dunha nova cuberta, dunha nova escaleira interior entre a planta baixa e o primeiro andar, de dous aseos, un accesible a adaptado para persoas con mobilidade reducida, ao tempo que se colocan novas instalacións de fontanaría, saneamento, electricidade, iluminación e calefacción. A Casa Cultural de Couso é un edificio con historia que presenta os elementos característicos da arquitectura rexionalista do suroeste galego, como o encintado decorativo da fábrica de pedra en relevo rematado con pintura en cor branca. Na intervención preservarase o seu valor patrimonial para que os veciños e veciñas poidan gozar da súa Casa Cultural “como fixeron os nosos avós e avoas”, conclúe o concelleiro.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.