A Concellería de Mobilidade e Tráfico informou da reapertura ao tráfico das rúas Vidales Tomé e Santa Ana hoxe mércores durante a mañá. Ambas as dúas rúas estiveron durante tres semanas cortadas ao tráfico rodado, como consecuencia das obras da rede de calor, aínda que se garantíu o acceso a garaxes, residentes e servizos.
Co restablecemento da normalidade nestas dúas rúas, tan só se manteñen cortadas ao tráfico a rúa Domínguez Benavides e un tramo da rúa San Roque, ambas as dúas de treito curto, sen usos comerciais e sen incidencia no tráfico de paso. Tamén se mantén restrinxido o paso pola rúa Redondela, por onde poden circular residentes, servizos e comerciantes.
A Concellería de Mobilidade e Tráfico lembra que todas as rúas de acceso a Ponteareas están abertas con normalidade ao igual que as de saída, agás a Avenida de Galicia. Neste caso a saída cara a N-120 realízase pola rúa Castañal.