25.5 C
Pontevedra
Domingo, 14 de Abril de 2024
Máis
    HomeO CondadoPonteareasPonteareas prepárase para correr a San Silvestre en axuda das familias máis...

    Ponteareas prepárase para correr a San Silvestre en axuda das familias máis necesitadas

    No primeiro día de inscrición xa foron máis de 200 persoas as que se anotaron

    Como cada ano a lona da carreira solidaria San Silvestre recibe ás e aos que chegan a Ponteareas na entrada da avenida de Galicia. O vindeiro 31 de decembro a cidadanía volverá xuntarse para facer deporte e para amosar que un gran de area pódese converter en toneladas de axuda para o centro de reparto de alimentos de Ponteareas.

    O ano pasado recadaron unha tonelada e media de alimentos e este ano a meta, non é só a liña que deben cruzar na praza Maior, será superar a cantidade de axuda que estamos dispostos/as a aportar.

    Os Taninos Runners abriron onte o prazo de inscrición na súa páxina web, https://www.taninosponteareas.com/ e xa son máis de douscentos os que se inscribiron. A organización dispón de 750 prazas para adultos que sairán ás 17:30 horas dende a praza Maior para realizar un percorrido urbano que este ano chegará ata a rotonda dos bombeiros. Duas voltas que farán un total de cinco quilómetros.

    Os e as máis pequenas dos fogares ponteareáns correran na praza Maior repartidos en tres categorías e entre todos eles e elas a organización repartirá agasallos sorpresa.

    En colaboración co concello de Ponteareas, a través da concellería de Deportes, Taninos Runners organiza cada ano esta proba deportiva de inscrión gratuíta que recollerá alimentos e produtos de hixiene para o centro de reparto de alimentos local a partir das 15:30 horas na carpa da praza Maior.

    Taninos Runners quere recordar a toda a cidadanía que tamén se poden achegar produtos de alimentación aptos para celíacos e dende o centro de reparto de alimentos recordan que son necesarias leites e cereais para bebés, aceite de oliva e todo tipo de legumes e veduras en conserva.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.