14.6 C
Pontevedra
Domingo, 25 de Febreiro de 2024
Máis
    HomeO CondadoPonteareasPonteareas pon en marcha os campamentos de verán 'Activa Tea'

    Ponteareas pon en marcha os campamentos de verán ‘Activa Tea’

    ‘ActivaTea’ oferta a mozas e mozos de 13 a 17 anos un amplo programa de actividades lúdicas e formativas durante o mes de agosto

    O Concello pon en marcha unha nova edición de ‘ActivaTea’, un campamento de verán pensado para mozos e mozas de 13 a 17 anos cun amplo programa de actividades de lecer e educativas co que desfrutar durante todo o mes de agosto.

    A Concellería de Mocidade, que dirixe Miguel Bouzó, aposta así un ano máis por ofrecer estes campamentos “pensados para unha franxa de idade que habitualmente require unha maior oferta lúdica e formativa e para a que non hai tanta dispoñible, favorecendo ademais a conciliación laboral e familiar entre a nosa veciñanza”.

    As actividades desenvolveranse ao aire libre os luns, mércores e venres do 2 ao 30 de agosto en horario de 10 a 14 horas e terá un prezo de 25 euros.

    O obxectivo é facilitar a volta á normalidade dos participantes, ofertándolles espazos de lecer e socialización saudábeis, creando espazos de convivencia, fomentando a autonomía e a interacción e o traballo en equipo, sempre mantendo e cumprindo as normas sanitarias necesarias na actual situación sanitaria. Por outra banda, aproveitando que moitas das actividades se celebrarán en espazos naturais e abertos, con ‘ActivaTea’ tamén se porá en valor os recursos de interese en Ponteareas, promovendo ao tempo a sensibilización ambiental e o servizo comunitario.

    O edil de Mocidade, Miguel Bouzó, explica que neste campamento “desenvolveranse múltiples actividades lúdicas e participativas sen esquecer o compoñente formativo e educativo”. Farase sempre “dende unha perspectiva eminentemente participativa, na que sexan os propios mozos e mozas as que formen parte do deseño e preparación das actividades, fomentando a interacción e socialización do grupo normalizando a aplicación de todos os protocolos de prevención derivadas da COVID-19 e adestrando novas habilidades sociais que suavicen as consecuencias da situación sanitaria”.

    Durante estes días a mocidade participante no ‘ActivaTea’ poderá divertirse con actividades como un escape room que porá a proba a súa capacidade de observación e o traballo en equipo; unha xincana de auga para os día calorosos ou de valores do deporte; un curso de steam para achegarse á tecnoloxía a través de divertidos experimentos; rutas de orientación; un percorrido ambiental polo Tea ou unha visita á praia fluvial da Freixa e ás piscinas municipais; obradoiros de técnicas circenses, baile, creación e edición de vídeo ou cariocas moradas, entre outras moitas máis. En caso de que o tempo non acompañe organizaranse actividades de interior.

    As persoas interesadas en participar poden inscribirse xa na OMIX, situada na Biblioteca Municipal, enviando un correo electrónico ao enderezo omix@ponteareas.gal ou chamando ao teléfono 986 660 765.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.