18.2 C
Pontevedra
Luns, 17 de Xuño de 2024
Máis
    HomeO CondadoPonteareasPonteareas organiza un obradoiro formativo de balde para sacar partido ao Servizo...

    Ponteareas organiza un obradoiro formativo de balde para sacar partido ao Servizo Público de Emprego de Galicia

    O Concello de Ponteareas pon en marcha un obradoiro formativo de balde para aprender a sacarlle partido ao Servizo Público de Emprego de Galicia. O Centro de Desenvolvemento local acolle esta semana un curso para coñecer como funciona o servizo e inscribirse e empregar todos os recursos que ofrece en liña.

    “Con este curso bríndaselle á veciñanza ferramentas e habilidades necesarias para aproveitar ao máximo os recursos dispoñibles de forma dixital, reducindo as barreiras, facilitando o proceso de procura de emprego e garantindo a igualdade de oportunidades para acceder a traballo de calidade ou para mellorar as perspectivas laborais dos ponteaeráns”, salienta a concelleira de Formación e Emprego, Vanesa Fernández.

    O curso vai dirixido a calquera persoa interesada e impartirase ou ben o mércores 24 de maio en horario de mañá, de 11.30 a 12.30 horas, ou o xoves 25 de maio de tarde de 17.30 a 18.30 horas. As clases terán lugar nas instalacións do Centro de Desenvolvemento Local de Ponteareas, en Ribadetea. As persoas interesadas en participar poden solicitar máis información ou inscribirse xa no 986 661 050.

    Vanesa Fernández anima a todos os ponteareáns que o desexen “a participar neste curso e aproveitar unha oportunidade única para seguir aprendendo e dispoñer as ferramentas e coñecementos necesarios para unha busca de emprego ou de ampliación de formación activa e efectiva”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.