28.5 C
Pontevedra
Sábado, 28 de Maio de 2022
Máis
    HomeO CondadoPonteareasPonteareas insta á Xunta a dar unha solución ao saneamento de Ribadetea

    Ponteareas insta á Xunta a dar unha solución ao saneamento de Ribadetea

    A alcaldesa de Ponteareas, Cristina Fernández Davila, remitiu un escrito á conselleira de Infraestruturas e Mobilidade, Ethel Vázquez, esixíndolle aclaracións e solucións diante do incumprimento dos seus compromisos e promesas en relación ao saneamento da parroquia de Ribadetea. A misiva é consecuencia da reunión mantida recentemente pola rexedora municipal cos representantes da plataforma veciñal desta parroquia ponteareán creada para reivindicar a dotación desta infraestrutura básica.

    A alcaldesa lembra que Ribadetea é a parroquia de maior poboación de entre as que carecen aínda de saneamento. Tan só as parroquias de Areas, Arnoso e Xinzo, así como algúns barrios de varias parroquias máis dispoñen deste servizo elemental. No ano 2015 o daquela alcalde Xosé Represas abríu unha interlocución coa Xunta de Galicia para contar coa súa colaboración coa finalidade de dotar de saneamento a Ribadetea. A petición amparábase na existencia doutras actuacións semellantes acometidas e financiadas dende a Consellaría noutros concellos.

    Cristina Fernández lémbralle á Conselleira Ethel Vázquez que “tras numerosos contactos e reunións se obtivo un compromiso da Xunta que, toda a veciñanza e o noso goberno, considerabamos era firme: realizar un anteproxecto completo e un posterior proxecto de execución e, finalmente, colaborar na financiación das obras achegando a Xunta o 80% do investimento”. Desas conversas e compromisos foi tamén coñecedora a veciñanza a través da Plataforma de Saneamento de Ribadetea que participou neses encontros.

    Porén, a alcaldesa explica que “nas conversas telefónicas e por videoconferencia mantidas nos últimos tempos con responsabeis da Consellaría atopámonos cunha negativa a avanzar nos compromisos acadados, xustificándoa na imposibilidade de obter os permisos correspondentes da Confederación Hidrográfica do Miño Sil por carecer a EDAR de Ponteareas de dimensión para o tratamento de máis vertidos”. Cristina Fernández aclara que “este impedimento, que non era incompatíbel con avanzar na redacción do proxecto, está superado tralo acordo entre o Estado, a Xunta e o Concello para cofinanciar e executar antes de 2023 a ampliación da EDAR”.

    Segundo a rexedora municipal nos últimos meses a Consellería ten transmitido ao Concello a súa falta de disposición a abordar a redacción do proxecto e a cofinanciar a obra. O Concello e a plataforma veciñal consideran que “a Xunta de Galicia mudou a súa posición e agora non ten vontade de cumprir aqueles compromisos”. Cristina Fernández lémbralle a Ethel Vázquez que “o saneamento de Ribadetea non pode agardar máis” e pídelle á Conselleira que de xeito “formal e de maneira documentanda” informe ao concello sobre se a Xunta está disposta a asumir a redacción do proxecto e confinanciar as obras nun 80% e en caso afirmativo en que prazo se redactaría o proxecto. Para o caso que non exista tal disposición, a alcaldesa esixe á Xunta que aclare se está disposta a cooperar co Concello dalgún xeito tanto na redacción do proxecto coma na execución das obras.

    A alcaldesa sinalou que “por respecto e lealdade institucional agardamos unha resposta da conselleira á maior brevidade posible para que este goberno poida tomar as súas decisións e dotar de forma prioritaria á parroquia de Ribadetea de saneamento”.

    COLABORACIÓNS

    Diego Giráldez, «O meu sangue»

    Diego Giráldez regresa cunha novela bastante peculiar, que ben poderiamos considerar unha parodia do xénero negro levada a tal extremo que a piques está de se converter en si mesma nunha novela negra.

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    64 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS