16.6 C
Pontevedra
Martes, 4 de Outubro de 2022
Máis
    HomeO CondadoPonteareasPonteareas inicia a contratación para adquirir unha propiedade para un novo equipamento...

    Ponteareas inicia a contratación para adquirir unha propiedade para un novo equipamento público na contorna da Praza Maior

    Os usos do futuro edificio foron definidos nun proceso de participación cidadá

    O goberno de Ponteareas do BNG e do PSOE vén de abrir  a contratación patrimonial para adquirir unha propiedade na contorna da praza Maior. Co obxectivo de pór en marcha novos servizos á comunidade, o Concello prevé mercar un inmoble. A financiación da obra de restauración e posta posta en servizo á cidadanía será realizada cos fondos FEDER da Unión Europea no marco da estratexia “Ponteareas, hábitat saudable”.

    Ante a carencia de edificios de propiedade municipal para atender novos servizos á cidadanía,  ou incluso para atender con maior amplitude os existentes como é preciso no momento actual, o goberno municipal pon en marcha os prodecementos administrativos para adquirir unha nova infraestrutura. “Este novo espazo estará ubicado no casco histórico e será un lugar no que acoller distintos servizos e instalacións municipais, sempre enfocado a dar unha mellor atención á cidadanía. A xestión económica do Concello realizada dende 2015 permítenos dar agora este paso para incrementar o patrimonio municipal”, afirmou o alcalde de Ponteareas, Xosé Represas.

    Este novo equipamento permitirá potenciar o dinamismo do casco vello da Vila, e concretamente a zona da Praza Maior e a súa contorna. Unha liña de actuación xa contemplada no programa de Fondos Feder e da EDUSI “Ponteareas Hábitat Saudable”. Dende fai tempo, esta parte da Vila vén amosando un contínuo deterioro habitacional, palpable no progresivo aumento de edificacións e vivendas en estado de abandono, así como un progresivo avellentamento e perda de residentes. Un fenómeno semellante ao de moitos cascos vellos doutras vilas e cidades galegas, e que ao mesmo tempo ven provocando a reacción das distintas administracións para a súa recuperación e revitalización.

    Previamente, e con esta finalidade, o goberno municipal realizou un proceso de consulta cidadá no que participaron representantes do tecido socioeconómico da Vila (Asociacións deportivas e culturais, comerciantes, hostaleiros, entidades sociais, colectivos vulnerables -mobilidade reducida, terceira idade…-), ademáis dunha consulta dixital. Tamén se contou coas aprotacións realizadas por representantes da administración local (Membros do goberno e voceiros dos grupos políticos con representación municipal, persoal técnico e traballadores municipais). Froito desa participación definíronse os usos do futuro edificio.

    Agora o Concello negociará coa propiedade dos inmobles que reúnen as características técnicas e de ubicación para a súa posible compra pasando a formar parte do patrimonio municipal.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS