12.1 C
Pontevedra
Luns, 30 de Xaneiro de 2023
Máis
    HomeO CondadoPonteareasPonteareas incorporarase en 2021 á rede de cidades transfronteirizas do Eixo Atlántico

    Ponteareas incorporarase en 2021 á rede de cidades transfronteirizas do Eixo Atlántico

    O Xosé Represas: “Participar no Eixo Atlántico é o natural para Ponteareas e unha aposta estratéxica para a recuperación trala pandemia”

    O Pleno da Corporación Municipal debaterá este martes a iniciativa do goberno local para aprobar a adhesión de Ponteareas á rede de cidades do Eixo Atlántico, entidade que promove a cooperación entre Galicia e o norte de Portugal. Unha vez aprobada a adhesión, Ponteareas sumarase oficialmente ao Eixo Atlántico unha vez a súa asemblea dea o visto bo.

    O Eixo Atlántico do Noroeste Peninsular naceu en 1992 coma asociación transfronteiriza de municipios que configuran o sistema urbano da eurorrexión Galicia-Norte de Portugal. Forman parte do Eixo Atlántico preto de 40 concellos galegos e portugueses que representan unha poboación de case 7 millóns de habitantes. Entre os seus obxectivos atópanse a promoción do desenvolvemento e da cohesión económica, social e cultural das cidades que conforman a asociación. As atividades do Eixo Atlántico agrúpanse en catro grandes grupos temáticos: turismo, cultura e educación, deporte e sustentabilidade.

    O Alcalde de Ponteareas, Xosé Represas, sinalou que “participar no Eixo Atlántico é o natural para un Concello coma Ponteareas, con moitísimos vínculos históricos, culturais e económicos co norte de Portugal. Queremos fortalecer o noso papel como unha das principais vilas do sur de Galicia e moi próximas a Portugal e aproveitar a nosa posición estratéxica para reforzar os lazos e as relacións económicas, sociais e culturais co país irmán”.

    Represas engadíu que a adhesión se producirá nun intre crucial, pois o Eixo Atlántico definíu un plan estratéxico para a recuperación fronte á pandemia. As súas liñas de actuación van dirixidas á revitalización económica, a transición dixital, a transión verde, a cohesión social e a cultura. “Coa nosa presenza no Eixo Atlántico, Ponteareas poderá participar activamente no deseño de novas políticas e nas propostas que dende a asociación se trasladarán ao Goberno do Estado para definir o destino dos fondos de reconstrución da Unión Europea”, salientou Represas.

    O alcalde engadíu que a integración no Eixo Atlántico “será un estímulo para o goberno local á hora de enfocar as súas políticas, especialmente as de desenvolvemento e promoción económica, dende a perspectiva da cooperación transfronteiriza, traballando conxuntamente con cidades de ambos os dous lados do Miño”.

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS