17.7 C
Pontevedra
Xoves, 23 de Maio de 2024
Máis
    HomeO CondadoPonteareasPonteareas homenaxea a Castelao

    Ponteareas homenaxea a Castelao

    O Concello fixo unha ofrenda floral para reivindicar o seu legado no aniversario do seu nacemento

    O Concello de Ponteareas realizou a pasada fin de semana unha homenaxe a figura e legado de Alfonso Daniel Rodríguez Castelao polo aniversario do seu nacemento e para celebrar o Día da Ilustración. O concelleiro de Cultura, Fernando Groba, falou da importancia do galeguista e lembrou que “foi e será un referente de loita, amor e traballo polo noso país que ten que servir de exemplo para as novas xeracións de galegos e galegas”.

    O edil salientou a importancia de “reivindicar o legado do pensador, artista e político galeguista que estivo disposto a todo por mellorar a vida dos galegos e galegas”, ao tempo que destacou “o enorme valor artístico e retratista das súas ilustracións”.

    Durante a homenaxe o equipo do Concello de Ponteareas estivo acompañado pola música do grupo de gaitas Naiama e algúns veciños e veciñas que tamén quixeron homenaxear ao autor de “Sempre en Galiza”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.