19 C
Pontevedra
Luns, 15 de Xullo de 2024
Máis
    HomeO CondadoPonteareasPonteareas estará presente no Consello Autonómico de participación infantil e xuvenil

    Ponteareas estará presente no Consello Autonómico de participación infantil e xuvenil

    O Concello de Ponteareas estará presente no Consello Autonómico de participación infantil e xuvenil. Juan Vázquez, estudante do CPR La Inmaculada e integrante do grupo de participación infantil e xuvenil de Ponteareas ‘Mentes Novas’, dará voz á vila na sesión de constitución deste consello, un órgano que busca artellar a intervención de nenos e mocidade nun espazo para que se exprese, propoñan ideas e tomen decisións.

    Esta iniciativa é o resultado dos esforzos realizados por parte de UNICEF e de todos os concello que contan co selo de ‘Cidades Amigas da Infancia’, como Ponteareas, por contar en Galicia cun grupo autonómico de participación infantil e xuvenil. A súa creación foi aprobada por decreto e recoñece o protagonismo social das nenas, nenos e adolescentes e o seu dereito a ser escoitadas e escoitados nos asuntos que lles afectan.

    Para a alcaldesa, Cristina Fernández, é “un orgullo ver o traballo que están a desenvolver dende ‘Mentes Novas’ para dar voz e voto á infancia e á mocidade da nosa vila en todos os foros nos que temos a oportunidade de facelo”. A rexedora salientou que a súa participación en iniciativas como o Consello Autonómico de Participación Infantil e Xuvenil é “unha grande oportunidade de escoitar e aprender dos nosos cativos e cativas para as persoas que traballamos nas institucións públicas”.

    O grupo estará formado por 30 representantes infantís e xuvenís de toda Galicia, que se reunirán o vindeiro venres 21 de abril na Cidade da Cultura de Galicia para dar comezo á súa actividade.

    A participación no Consello é unha mostra máis da importancia que ten para o Concello de Ponteareas a infancia. A vila está recoñecida dende hai dous anos como Cidade Amiga da Infancia polo Ministerio de Dereitos Sociais e Axenda 2030, a Federación Española de Municipios e Provincias, o Instituto Universitario de Necesidades e Dereitos da Infancia e a Adolescencia (IUNDIA) e Unicef España. Trátase dun recoñecemento ao exercicio de responsabilidade feito polo Goberno municipal para poñer no centro das decisión políticas a un grupo de poboación que é presente e futuro da sociedade.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.