10 C
Pontevedra
Venres, 1 de Marzo de 2024
Máis
    HomeO CondadoPonteareasPonteareas entre os concellos galegos que máis obras licitaron en 2020

    Ponteareas entre os concellos galegos que máis obras licitaron en 2020

    É un dos nove concellos que sacaron a concurso obras por máis dun millón de euros entre xaneiro e abril

    O Concello de Ponteareas é un dos nove concellos galegos que lideran o ránking con licitación de obra pública superior ao millón de euros nos catro primeiros meses do ano. Ponteareas sitúase así por diante de grandes cidades e de varios concellos con maior poboación, segundo o informe realizado pola Federación Galega da Construcción sobre a actividade no primeiro cuadrimestre do ano, por diante de cidades como Vigo, Santiago e Ourense.

    O Goberno do BNG-PSOE explica que entre as licitacións destaca polo importe do investimento a obra do entorno da piscina e centro de saúde por importe de 526.000 euros, financiada nun 80 % cunha subvención por concurrencia competitiva da Deputación provincial, Plan DepoRemse. Tamén figuran obras de abastecemento de auga a varios núcleos, licitadas por máis de 190.000 euros, obras de mellora de eficiencia enerxética na Escola Infantil por 104.000 euros ou a reforma integral da rúa Redondela por 520.000 euros.

    Neste momento, os departamento de contratación e da estratexia ‘Ponteareas Hábitat Saudable’ están finalizando os expedientes para contratar unha serie de obras que superarán ampliamente os dous millóns de euros no seu conxunto, as de maior cuantía son as obras de renovación integral da praza de Bugallal por importe de 770.000 euros e a rede calor para os edificios públicos por importe de 837.000 euros.

    “Son actuacións moi importantes que supoñen melloras nos espazos urbanos e en servizos básicos pero que ao mesmo tempo permiten relanzar a economía en sectores tan importantes na creación de emprego como a construción”, afirmou o alcalde, Xosé Represas, engadindo que “a pesares da crise do Covid-19 imos manter os investimentos previstos porque a execución das obras públicas sigue sendo unha prioridade porque ademais crean postos de traballo”.

    Estas obras son financiadas con fondos propios do Concello, co apoio da Deputación de Pontevedra a través de distintos plans e co respaldo da Unión Europea mediante os fondos europeos de desenvolvemento rexional (FEDER), segundo explica a concelleira socialista Chus Garrote.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.