8.3 C
Pontevedra
Xoves, 28 de Marzo de 2024
Máis
    HomeO CondadoPonteareasPonteareas e Uriangato (México) unidos polo 'V Encontro Internacional de Alfombristas Virtual'...

    Ponteareas e Uriangato (México) unidos polo ‘V Encontro Internacional de Alfombristas Virtual’ que se celebra o 6 de outubro

    A Asociación de Alfombristas Do Corpus Christi de Ponteareas vén de recibir unha invitación para participar no V Encontro Internacional de Alfombristas Virtual de Uriangato 2020′, actividade que terá lugar o día 6 de outubro con motivo das festas de San Miguel Arcanxo da localidade mexicana.

    Así mediante carta do alcalde de Uriangato, Anastacio Rosiles Pérez, envióuselle esta invitación oficial á Asociación de Alfombristas Do Corpus Christi de Ponteareas para participar no maior evento de arte Efémera que se realiza en Mexico, e no que, ademais de alfombristas de México, participarán delegacións de Alemaña, Arxentina, Portugal, India, Polonia, Estados Unidos, Colombia, Guatemala, Nicaragua, O Salvador, Brasil, Italia e España, todos eles membros da Comision Gestotra de Entidades Alfombristas do Camiño de Santiago que preside Ponteareas.

    Unha vez aceptado o deseño proposto pola delegación de Ponteareas por parte do persoal coordinador de presidencia municipal de Uriangato, poderase iniciar coa elaboración da alfombra conforme aos seguintes criterios:

    • Os materiais quedan a libre elección, de acordo aos usos e costumes de cada país participante.
    • Cada Asociación deberá presentar un vídeo cunha duración máxima de 5 minutos onde expoñerá os seguintes puntos:
      • Explicación dos materiais e técnicas empregadas para a elaboración da súa tapete ou alfombra.
      • Explicación do deseño co cal participa no encontro.
      • Mensaxe para a cidadanía de Uriangato.

    Para iso membros desta Asociación confeccionarán unha alfombra de flores o próximo día 3 de outubro en para poder gravar un vídeo que será enviado aos organizadores do V ENCONTRO INTERNACIONAL DE ALFOMBRISTAS VIRTUAL, vídeo que posteriormente será emitido a todo o mundo dende a páxina oficial do Concello de Uriangato.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.