16.5 C
Pontevedra
Xoves, 20 de Xuño de 2024
Máis
    HomeO CondadoPonteareasPonteareas duplica o número de árbores no centro urbano en catro anos

    Ponteareas duplica o número de árbores no centro urbano en catro anos

    As obras de reforma e mellora acometidas dende 2019 incluíron a plantación de 331 árbores novas, chegando ata os 758 exemplares

    Ponteareas conmemora o Día Mundial da Árbore coas mans na terra. Co gallo desta data e acompañados da alcaldesa, Cristina Fernández Davila, alumnado de aulas do Colexio Rural Agrupado do municipio plantou estes días varios exemplares nunha actividade centrada en poñer en valor a natureza e dar relevancia ás árbores autóctonas.

    O Concello de Ponteareas conmemora ademais este día cun balance do proceso de arborización do centro urbano iniciado hai catro anos coas obras de reforma urbana e recuperación de espazos públicos en diferentes lugares da vila.

    En 2019 no centro urbano de Ponteareas existían 428 árbores distribuídas en parques, xardíns e rúas. Preto da metade destes exemplares foron plantados no seu día de xeito inadecuado debaixo de balcóns ou moi preto das fachadas de edificacións, o que provocaba que as árbores apenas tiveran copa para xerar sombra, xeraran molestias nas vivendas, obrigara a podas agresivas e frecuentes con malformacións no arborado e ocupara zonas de paso peonil en beirarrúas estreitas de por si.

    Dende o ano 2019 as obras executadas ou en execución supuxeron a plantación de 331 árbores, todas elas cumprindo os estándares de separación a vivendas e espazos libres para os peóns o que posibilitará xerar grandes zonas sombreadas nunha vila que soporta altas temperaturas durante varios meses do ano. Esa cifra significa un incremento de case o 80% no número de árbores, preto do dobre do preexistente. O novo arborado sitúase na rúa Redondela, San Roque, Complexo Deportivo e Centro de Saúde, Praza Doutor Fernández Vega, Praza de Bugallal, primeiro tramo do Paseo Matutino e en Trobador Xoán García de Guillade, onde se plantarán novos exemplares nos vindeiros meses coas obras do camiño escolar seguro. As especies máis empregadas son os freixos, liquidambar, tilos, pereira de flor e bidueiros, todos de folla caduca para facilitar o paso do sol no inverno e o sombreado na primavera e verán. O proceso de arborización continuará avanzando cos novos proxectos de reforma urbana, algúns xa redactados como o da rúa Domínguez Benavides e Rúa da Braña e outros que se redactarán neste ano como Concha Brey, Constitución, Reveriano Soutullo primeiro tramo, Virxe dos Remedios, Senén Canido e dous tramos de Morales Hidalgo e Vidales Tomé.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.