9 C
Pontevedra
Domingo, 5 de Febreiro de 2023
Máis
    HomeO CondadoPonteareasPonteareas destina 230.000 euros en axudas para reactivar a economía local

    Ponteareas destina 230.000 euros en axudas para reactivar a economía local

    As bases foron consensuadas por todos os grupos da Corporación

    O Concello de Ponteareas pon en marcha unha nova convocatoria de axudas para reactivar a actividade económica local, unha medida creada para axudar a paliar os efectos económicos, sociais e laborais derivados da Covid-19 nos negocios e pequenas empresas locais.

    As bases desta nova convocatoria de axudas, xestionadas polas Concellerías de  Promoción Económica, que dirixe Eva Gil, e Emprego, que dirixe Vanesa Fernández, foron consensuadas por todos os grupos políticos da Corporación e contan cunha partida económica de máis de 230.000 euros. As axudas irán destinadas principalmente a traballadores/as autónomos/as, e pequenas empresas da localidade.

    Nesta convocatoria, autónomos ou empresas que por diversos motivos non puideran beneficiarse da primeira convocatoria poderán ter a ocasión de presentarse e recibir apoio xa que se procurou a aprobación dunhas bases inclusivas para eses casos. O obxectivo de toda a Corporación é chegar a todos os negocios que se viron danados na súa actividade pola pandemia

    Esta liña de axudas para autónomos e pequenas empresas ten como finalidade apoiar  a reactivación da actividade económica e acompañar aos negocios locais para que poidan superar esta grave crise económica como consecuencia da crise sanitaria. O goberno local do BNG e do PSOE adianta esta convocatoria que nos vindeiros días será publicada no Boletín Oficial da Provincia e que ao igual que a convocatoria anterior de axudas directas contará cun espazo propio na web municipal na que figurarán as bases e toda a información de tramitación.

    As concelleiras explican que a presente convocatoria pretende preservar o tecido empresarial, protexer o interese xeral, apoiando aos traballadores autónomos e pequenas empresas. lograr a reactivación da economía da nosa localidade e incentivar a utilización das tecnoloxías da información e as comunicacións.

    Esta é unha convocatoria de concurrencia competitiva á que se poderán presentar persoas físicas ou xurídicas, así como as comunidades de bens, autónomos que presten servizos, sociedades civís ou outras entidades económicas sen personalidade xurídica, legalmente constituídas que leven a cabo as súas actividades empresariais en Ponteareas.

    Entre os gastos subvencionables están importes de alugueiros, cuotas bancarias correspondentes co pago de préstamos por compra de locais comerciais, mantemento do negocio e adaptacións ás novas circunstancias, transición cara o comercio on line, dixitalización, asesoramento profesional ou adquisición de equipamentos, entre outros moitos gastos, sendo a axuda dun importe máximo de 1.500 € por beneficiario. Dende a publicación no BOP, o prazo de presentación de solicitudes é de 20 días naturais, Unha vez concedidas, o goberno local ten previsto anticipar os pagos das axudas tendo posteriormente ata o 31 de xaneiro de 2021 prazo para xustificar a axuda recibida.

    As axudas deberanse solicitar a través da sede electrónica do Concello e serán compatibeis con calquera outra estatal ou autonómica.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS