8.7 C
Pontevedra
Xoves, 28 de Marzo de 2024
Máis
    HomeO CondadoPonteareasPonteareas concederá 10.000 euros en axudas para investimentos das entidades veciñais

    Ponteareas concederá 10.000 euros en axudas para investimentos das entidades veciñais

    A Concellaría de Vías e Obras manterá unha reunión con representantes das asociacións para dar a coñecer a subvención. O obxectivo é que poidan ter toda a documentación preparada para o momento da apertura de solicitudes

    O Concello prepara xa as axudas municipais destinadas a subvencionar intervencións de mellora de espazos públicos levadas a cabo por colectivos de interese veciñal, que abrirán o prazo de presentación en breve. Serán un total de 10.000 euros cos que se busca “contribuír a mellorar a calidade de vida dos e das ponteareás e a dinamizar o asociacionismo veciñal”, como salienta a concelleira de Vías, Obras e Alumeado, Chus Garrote.

    A través desta convocatoria, o Concello subvencionará ata o 80 % do investimento levado a cabo polas entidades solicitantes cun límite máximo de 3.000 euros para a realización de obras e de 1.500 euros para a dotación de equipamentos. As axudas, que se adxudicarán ata esgotamento de crédito, están destinadas a asociacións veciñais, asociacións culturais e comunidades de montes e regantes para intervencións realizadas ao longo deste ano 2022.

    A concellaría de Vías e Obras reunirase este venres 9 de setembro con representantes destas entidades para dar a coñecer a subvención e propiciar que as asociacións interesadas teñan preparada toda a documentación necesaria cando se abra o prazo, dada a limitada marxe de tempo coa que se conta para presentar a solicitude.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.