17.7 C
Pontevedra
Xoves, 23 de Maio de 2024
Máis
    HomeO CondadoPonteareasPonteareas celebra o 92 aniversario do mestre Rogelio Groba cun concerto da...

    Ponteareas celebra o 92 aniversario do mestre Rogelio Groba cun concerto da Banda de Música Xuvenil de Xinzo

    Será este domingo 16 de xaneiro na sala multiusos do auditorio municipal

    Ponteareas quere render homenaxe ao mestre Rogelio Groba no día do seu 92 aniversario. O mesmo día do seu nacemento, o 16 de xaneiro, o Concello daralle os parabéns cun concerto da Banda de Música Xuvenil de Xinzo ás 18.30 horas na sala multiúsos do auditorio municipal. A actuación, que será con entrada de balde ata completar aforo, “busca achegar a todos os públicos a programación cultural que se oferta de xeito estable ao longo do ano tanto no centro da vila como nas parroquias”, explica o concelleiro de Cultura, Fernando Groba. O concerto poderá seguirse tamén en streaming.

    Click para ampliar

    Rogelio Groba Groba é un referente en Ponteareas, con máis de 700 obras que acompañan a vida deste prolífico compositor e mestre que ten os seus inicios na música de bandas, dando os seus primeiros pasos musicais na Banda de Música A Unión de Guláns, que chegou a dirixir con apenas 17 anos. Groba amence cada mañá coa inquedanza de compor e trasladar a cada partitura as sensacións do cotiá. Ese orgullo consolida ano a ano o Festival Groba, que brinda a oportunidade de gozar de forma gratuíta e sen saír da vila das mellores músicas e músicos do panorama internacional.

    O edil amosa o seu profundo agradecemento polo valor do traballo de Rogelio Groba Groba de o legado musical eixa en herdanza a todas e todos os ponteareáns, sendo o compositor máis prolífico da xeración do 51 en España.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.