9.6 C
Pontevedra
Xoves, 28 de Marzo de 2024
Máis
    HomeO CondadoPonteareasPonteareas aposta por reiniciar e manter viva a actividade nos centros e...

    Ponteareas aposta por reiniciar e manter viva a actividade nos centros e casas culturais

    Aberto o prazo de solicitude das subvencións ata o vindeiro 25 de outubro

    Un ano máis, o Concello de Ponteareas abre a convocatoria de subvencións para o apoio á cultura destinadas aos centros e casas culturais ponteareás para este ano 2022, unhas axudas que buscan “reiniciar e manter viva a actividade nunhas das entidades vertebradoras da vida cultural e social máis relevantes da nosa vila e das nosas parroquias”, como asegura o concelleiro de Cultura, Fernando Groba.

    O Concello destinará 40.000 euros a estas convocatoria de axudas por concorrencia competitiva que ten por obxecto paliar os gastos correntes e de mantemento necesarios para a realización das actividades culturais, así como para o correcto funcionamento dos propios centros. “É a nosa forma de amosar o noso respaldo a estas entidades e colaborar con elas para que acaden os obxectivos que lle son propios de fomentar, impulsar e apoiar as actividades culturais que desenvolven”, recalca o edil.

    Poderán solicitar estas axudas as asociacións sen ánimo de lucro que estean legalmente constituídas no termo municipal de Ponteareas e que teñan por obxecto e recollido nos seus estatutos a realización de accións e actividades para dar pulo e apoiar a actividade cultural nas súas instalacións.

    O prazo para que os centros e casas culturais presenten as súas solicitudes estará aberto ata o vindeiro 25 de outubro. 

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.