8.4 C
Pontevedra
Domingo, 4 de Decembro de 2022
Máis
    HomeO CondadoPonteareasPonteareas amplía a súa rede de calor con biomasa para abastecer a...

    Ponteareas amplía a súa rede de calor con biomasa para abastecer a novos edificios municipais

    Ponteareas continúa apostando pola innovación e a sustentabilidade no eido enerxético. O Concello vén de sacar a licitación as obras de ampliación da rede de calor pública, coa que se busca chegar e abastecer a edificios de titularidade municipal, incrementando e optimizando a potencia de produción dispoñible.

    “Con esta nova iniciativa estamos dando novos pasos para facer de Ponteareas unha vila máis verde e sustentábel, xa que esta ampliación permitirá substituír en novos edificios o subministro de gasoil ou electricidade por biomasa de lasca producida en montes próximos, xerando aforro enerxético, investindo na contorna, fomentando o emprego local, aproveitando os nosos recursos naturais, reducindo o risco de incendios e garantindo unha contaminación cero”, destaca a alcaldesa, Cristina Fernández Davila.

    Coa ampliación 2 da fase I da rede pública urbana de calor con biomasa poderase dar servizo e cubrir as necesidades de calefacción ou de aire acondicionado do Centro de Dinamización Empresarial, xa en fase de rehabilitación; do futuro Centro Cívico situado na Praza Maior e do edificio de usos múltiples que albergará a antiga nave de Aceiros do Tea.

    O Goberno municipal do BNG-PSOE sinala que o aumento de potencia favorecerá o paso cara a unha economía baixa en carbono, dará pulo ao uso de enerxías renovábeis na vila e mellorará a eficiencia enerxética dos edificios e instalacións municipais de Ponteareas. “A posta en marcha da rede de calor sitúanos como un concello pioneiro e innovador que aposta pola sustentabilidade non só como unha ferramenta para o aforro económico, senón tamén para diminuír as nosas emisións a atmosfera”, explica a segunda tenenta de alcaldesa, Chus Garrote.

    As empresas e persoas interesadas en presentar a súa oferta poderán facelo a través de sede electrónica ata o vindeiro 18 de outubro ás 23.59 horas. O desenvolvemento desta actuación estará cofinanciado polo Fondo Europeo de Desenvolvemento Rexional (FEDER) a través do programa EDUSI ‘Ponteareas, Hábitat Saudábel’. As obras, que terán un prazo de execución de 12 semanas, saen a licitación por case 305.000 euros.

    COLABORACIÓNS

    Despilfarro

    Según la RAE, despilfarro significa "Gasto excesivo y superfluo" y la verdad, que no se me ocurre un término mejor para definir lo que está ocurriendo en muchos de nuestros ayuntamientos con tantas plazas a arreglar y tanto peatonolizar.

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS