O domingo 12 de decembro disputábase, na piscina – 25 metros – do complexo deportivo Álvaro Piñeiro de Ponteareas, o Campionato Galego de Longa Distancia. O CN Galaico, Pontevedra, fíxose coa vitoria nas clasificacións individual masculina e feminina e como consecuencia alzouse tamén co título de Campión galego de longa distancia en categoría conxunta. Acompañaron no podio conxunto o CN Ferrol, no segundo chanzo, e o CN Ponteareas en 3ª posición.
Na piscina do condado déronse cita os nadadores de longa distancia máis destacados, que afrontaban 2 km (os máis novos) e 3km (os máis veteranos). A pesar destas distancias, algunhas probas concluíron con poucos segundos de diferenza entre os primeiros clasificados, que se decidiron nun emocionante sprint final.
Á entrega de trofeos acudiron, na sesión de mañá, o presidente da Federación galega de natación, Carlos Touriño e na sesión de tarde, Miguel Bouzó, concelleiro de Deportes do Concello de Ponteareas.
Nas mulleres, os podios quedaron establecidos da seguinte forma:
Distancia 2000m
Categoría infantil
- Lucía Vilarnovo (CN Ferrol), Inés Mourenza (CN Portamiñá) e María Álvarez (CN Rías Baixas)
Distancia 3000m
Categoría Júnior-1
- Alicia Bouza (CN Galaico), Iria Lemos (CN Ponteareas) e Sofía Carballo (CN Ponteareas)
Categoría Júnior-2
- Paula Otero ( CN Arteixo), Eva Pardo ( CN Ferrol) e Andrea Domínguez ( CN Ponteareas)
Categoría Absoluta
- María de Valdés (CN Liceo), Ana Pérez (CN Galaico) e Ana Veiga (CN Arteixo)
Na Categoría masculina, os podios quedaron conformados:
Distancia 2000m
Categoría infantil
- Teo Alonso (CN Rías Baixas), Xoel Cubeiro (CN Liceo) e Sergi Navarro (CN Ferrol)
Distancia 3000m
Categoría Júnior-1
- Mario Méndez (CN Rías Baixas), Santiago Avilés (AD Fogar)
Categoría Absoluto
- Cristian Fernández (CN Galaico), José Moure (CN Ourense) e Lucas Fernández (CN Ponteareas)
A próxima cita autonómica será o campionato de natación absoluto, a final de mes, que pechará o calendario competitivo deste ano.
Pola súa banda, a piscina municipal de Ponteareas e o CN Ponteareas despídense cun ata logo das competicións, debido a que volverán acoller e organizar a primeira cita galega do 2022, o campionato galego Máster, programado para a fin de semana do 15 e 16 de Xaneiro. A comarca do condado, epicentro deportivo do sur de Pontevedra.