12.5 C
Pontevedra
Domingo, 5 de Febreiro de 2023
Máis
    HomeO CondadoPonteareasPonteareas acolle o Campionato Galego de Bádminton sub 9 e sub 19

    Ponteareas acolle o Campionato Galego de Bádminton sub 9 e sub 19

    Ponteareas recibirá esta fin de semana case un cento de deportistas que disputarán o Campionato Galego de Bádminton nas categorías sub 9 e sub 19. Organizado polo Club Bádminton Ponteareas en colaboración co Concello o certame reunirá a rapaces e rapazas de todas as provincias galegas que buscarán facerse un oco no podio.

    A competición comezará o sábado 4 de xuño ás 10.00 horas no pavillón do Complexo Deportivo Álvaro Pino, no que se celebrarán diversos partidos ao longo de toda a xornada. A organización ten prevista realizar a entrega de premios da categoría sub 9 ás 14.00 horas, mentres que a sub 19 será sobre as 20.00 horas, aproximadamente.

    O concelleiro de Deportes, Miguel Bouzó, amosou unha vez máis o orgullo do Concello por “ser sede dun campionato galego de bádminton no que as nosas e nosos deportistas poderán demostrar todo o que se está a facer no deporte base en Ponteareas. O edil convidou tamén a veciños e veciñas a achegarse ás instalacións deportivas e desfrutar da xornada, que será aberta a todo o público con entrada libre e de balde.

    Pola súa banda, neste campionato o Club Bádminton Ponteareas participará con seis deportistas, con Eva Lemos, Mar Rey e Wencer Lemos na categoría sub 9 e con Nuria Domínguez, Zaida González e José Vaqueiro na sub 19. Dende o club queren dar as grazas ao Concello, á Federación Galega de Bádminton e a todas as entidades e empresas colaboradoras por apoialos na organización do encontro.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS