O programa ‘Noites ao vivo’ volverá a encher este verán as noites e as rúas de Ponteareas cos seus espectáculos ao aire libre para todos os públicos. O Mago Martín será o encargado de dar o pistoletazo de saída a unha nova edición deste programa, que ata finais do mes de agosto ofrecerá diversas propostas culturais de diferentes estilos.
A primeira actuación será este xoves 29 de xullo a partir das 22.00 horas na Praza Fernández Vega, con entrada de balde e libre ata completar aforo e cumprindo con todas as medidas de prevención e seguridade necesarias na actual situación sanitaria.
Dende a Concellaría de Eventos, que dirixe Miguel Bouzó, animan a toda a veciñanza a non perderse un espectáculo no que o Mago Martín sorprenderá con trucos e ilusións de gran beleza. Maxia de cerca, a poucos centímetros das súas mans, que farán crer ao público en cousas imposibles; efectos de impacto que fan desafiar as leis da física ou grandes ilusións deixarán con ganas de máis a todas e todos os asistentes.