A Concellería de Mocidade de Ponteareas, que dirixe Miguel Bouzó, ten programada, para hoxe sábado 8 de maio, unha actividade de patinaxe libre no Complexo Deportivo Álvaro Pino.
Esta actividade, que se celebrará dende as 20:00 horas, forma parte do programa “Mocidade Viva”, un programa estable de actividades lúdicas e formativas dirixidas á mocidade, ofrecéndolles espazos de lecer e socialización seguros e saudables.
A Concellería convida, a toda a mocidade, a coller os seus patíns e gozar libremente da patinaxe. Cabe resaltae que a actividade levarase a cabo cumprindo as distancias e normativas de seguridade sanitaria vixentes.