16.6 C
Pontevedra
Venres, 14 de Xuño de 2024
Máis
    HomeO CondadoPonteareasO ponteareán Brais Pino proclámase nas Vegas campión do mundo de billar

    O ponteareán Brais Pino proclámase nas Vegas campión do mundo de billar

    O ponteareán Brais Pino vén de proclamarse campión do mundo amateur por equipos na cidade estadounidense das Vegas, logo de conseguir o primeiro posto xunto a Fran Doval, Raúl Esmorís, Manuel Montejo e Carlos Gómez. O concelleiro de Deportes en funcións, Benito Márquez, en nome de todo o goberno felicitou ao xogador do Club de Billar Sportivo, polo éxito acadado nesta competición na que participaron un total de 350 equipos.

    O ponteareán, que representaba a España xunto aos seus compañeiros de equipo, Fran Doval e Raúl Esmorís de Lugo, Manuel Montejo e Carlos Gómez de Mallorca; tamén conseguíu o nomeamento All Stars polo seu bo rendemento nas dúas semanas de duración do campionato.

    Neste mundial o xogador de Ponteareas acadou en individual bola 9 o noveno posto e en bola 8 o décimo terceiro posto.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.