14.7 C
Pontevedra
Domingo, 5 de Febreiro de 2023
Máis
    HomeO CondadoPonteareasO obradoiro de escrita teatral de Ponteareas baixa o pano

    O obradoiro de escrita teatral de Ponteareas baixa o pano

    12 persoas participaron neste taller organizado pola Concellaría de Cultura e impartido pola dramaturga Laura Porto

    Mergullarse na escrita dramática e facelo da man dunha persoa de primeira liña. Ese era o obxectivo do obradoiro de escrita teatral posto en marcha pola Concellaría de Cultura e que acaba de rematar despois de tres meses explorando no reparto das voces na escritura escénica.

    Da man da dramaturga Laura Porto, 12 persoas participaron neste taller con actividades que combinaron as clases presenciais coas virtuais e que seguía a liña dos cursos de teatro e escrita creativa impartidos por Roi Vidal e María Lado en 2019 e 2020.

    “Estamos moi contentos coa boa acollida que está tendo este tipo de obradoiros por parte da veciñanza. Se os anteriores se centraban no traballo actoral e nos xéneros poético e narrativo, este ano quixemos enfocalo no eido teatral, de novo da man dunha profesional de primeira liña como Laura Porto”, salienta o concelleiro Fernando Groba.

    Porto, natural de Covelo, acadou a súa titulación superior en Arte Dramática no ano 2019, na especialidade de Dirección de Escena e Dramaturxia. Dende entón, traballou como axudante de dirección de Marián Bañobre na compañía de Olivas Negras durante a montaxe da peza ’12 uvas, 2mulleres e 1 oliva’ e, como dramaturga e directora da compañía Amorod(i)o no seu primeiro espectáculo, ‘Reino da extinción’, que se estreará este outono. Ademais, unha das súas obras, ‘O senso da floración’, será publicada proximamente no volume colectivo ‘Dramaturxia galega actual’, que edita Feira do Leste.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS