8.5 C
Pontevedra
Venres, 29 de Marzo de 2024
Máis
    HomeO CondadoPonteareasO Concello insiste para que a Xunta realice un cribado en Ponteareas...

    O Concello insiste para que a Xunta realice un cribado en Ponteareas ao manterse o peche perimetral

    Onte xoves o número de casos activos sitúase en 52

    “Se a Xunta nos di que temos que seguir co peche perimetral porque se mantén a incidencia da pandemia en Ponteareas, é urxente que tomen o asunto en serio e actúen en consecuencia procedendo á realización dun cribado con probas masivas á nosa veciñanza. Dende o Concello xa lles temos as instalacións preparadas e recursos humanos á súa disposición”. Así o manifestou a concelleira de Saúde de Ponteareas e alcaldesa en funcións, Cristina Fdez. Davila, na xuntanza mantida este xoves coa Xerencia da Área Sanitaria de Vigo e a Secretaría Xeral da Consellería de Sanidade da Xunta.

    Os datos comunicados neste encontro por parte da Xunta reflicten que o número de casos positivos de Covid-19 en Ponteareas continúa na última semana por enriba do medio cento, situándose este pasado xoves en 52. Isto implica unha incidencia acumulada superior a 200, polo que a Xunta mantén a Ponteareas en situación de peche perimetral, coas mesmas restricións que na actualidade.

    O goberno local leva semanas insistindo ante a Xunta na necesidade de que a administración autonómica realice test masivos en Ponteareas. “Solicitámolo nos encontros semanais que mantemos, e ademais puxémonos en contacto co Xerente da área sanitaria de Vigo para lembrarlle a necesidade e a nosa total disposición a colaborar. A día de hoxe aínda non nos concretaron esta medida, que consideramos fundamental, xa que permitiría detectar a persoas que sendo asintomáticas poden estar contribuíndo á expansión do virus”, lembrou Fdez. Davila.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.