10.2 C
Pontevedra
Venres, 29 de Marzo de 2024
Máis
    HomeO CondadoPonteareasO Concello continúa co labor de orientación laboral á mocidade de Ponteareas...

    O Concello continúa co labor de orientación laboral á mocidade de Ponteareas e da comarca

    A última charla estivo dirixida ao estudantado dos ciclos medio e superior de Xardinaría/Paisaxismo, Forestal e Viticultura

    O Concello comezou o novo ano dando continuidade ao seu labor de orientación laboral para as mozas e mozos de Ponteareas e da comarca. Tras a volta ás aulas, o Departamento de Orientación Laboral, dependente da Concellaría de Emprego e Formación dirixida por Vanesa Fernández, retomou as charlas de asesoramento vocacional e formativo aos centros de ensino do Condado.

    A última destas charlas foi no CIFP A Granxa, no que a orientadora e a técnica de emprego local centráronse fundamentalmente en informar ao alumnado dos ciclos medio e superior de Xardinaría/Paisaxismo, Forestal e Viticultura sobre as súas posibles saídas laborais, tanto no sector público, con convocatorias fixas e temporais nas diferentes administracións públicas, como no privado, no que poderán atopar dende bolsas e prácticas dos primeiros empregos ata a procura de traballo específico no sector, incluíndo as ofertas publicadas a través do Portal de Emprego da Xunta.

    Para a concelleira estas charlas “son fundamentais para abrir o abano de posibilidades laboráis dos rapaces e rapazas, que son o noso presente e o noso futuro e que en moitas ocasións precisan de alguén que lles faga de guía nese camiño”. Vanesa Fernández anima a todas as persoas que o precisen a acudir ao Centro de Desenvolvemento Local e solicitar cita coa orientadora para coñecer a realidade laboral e as posibilidades ás que pode optar.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.