A concelleira de Benestar Social do Concello de Ponteareas, Verónica Carrera, pon en coñecemento dos veciños e veciñas que o Centro de Reparto de Alimentos recollerá axuda na entrada dalgúns supermercados de Ponteareas. En colaboración co voluntariado, estarán este sábado día 7, o venres día 13 e o sábado día 14 en horario de mañá e tarde recollendo alimentos para as e os beneficiarios deste servizo.
Na actualidade o Centro de Reparto de Alimentos atende a 244 persoas das que 66 son menores de quince anos. Dende o Centro explican que agradecen todo tipo de aportación de produtos de alimentación non perecedoira,” pero son máis urxentes, dado o elevado número de menores, os “potitos”, leite en po para bebés, cereais para bebés, aceite de oliva, legumes e xudías e verduras en conserva”.
A concelleira Verónica Carrera agradece a implicación do voluntariado e de todas aquelas persoas “que aportan o seu gran de area para axudar as familias que máis o precisan”.