13.9 C
Pontevedra
Sábado, 22 de Xuño de 2024
Máis
    HomeO CondadoPonteareasO Centro Cultural Xinzo énchese de cine

    O Centro Cultural Xinzo énchese de cine

    O Auditorio do Centro Cultural acollerá a proxección das curtas gañadoras no Festival de Cans

    A concellería de Cultura do Concello de Ponteareas, que dirixe Fernando Groba, anima á cidadanía a gozar das curtametraxes gañadoras no Festival de Cans que serán proxectadas este sábado, día 19, no auditorio do Centro Cultural de Xinzo.

    O director do festival, Alfonso Pato, visitará Xinzo da man do Centro Cultural que, en colaboración coa Comunidade de Montes da parroquia, ofrecerá unha noite de cine.

    A partir das 21 horas e ata completar aforo, poderemos converternos en público do documental ‘Quince Primaveras’ de Isaura Docampo; da comedia negra ‘O Neno Bonito’ de Fran X. Rodríguez; da curta de animación ‘Soy una tumba‘ de Khris Cembe e da curtametraxe de medo ‘Limbo’ de Dani Viqueira, curtametraxe premio Mestre Mateo 2018.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.