12 C
Pontevedra
Venres, 29 de Marzo de 2024
Máis
    HomeO CondadoPonteareasO Centro Cultural Os Muíños de Oliveira, novo escenario do obradoiro de...

    O Centro Cultural Os Muíños de Oliveira, novo escenario do obradoiro de xoguetes e xogos de refugallo

    O Concello puxo en marcha un ciclo de talleres para nenos e nenas de 5 a 10 anos que percorrerá as parroquias

    Ponteareas gozará a vindeira semana dun novo obradoiro de xoguetes e xogos de refugallo, un ciclo de talleres por distintos centros culturais do municipio co que o Concello continúa levando actividades de lecer ás 24 parroquias da vila. A nova xornada deste taller terá lugar o vindeiro martes 10 de maio no Centro Cultural Os Muíños de Oliveira, no que nenos e nenas de 5 a 10 anos traballarán con materiais de reboutallo para realizar diferentes xoguetes de 16.00 a 17.30 horas.

    O obxectivo destes obradoiros é, ademais de encher as parroquias de actividade, “facilitar un espazo de entretemento para nenos e nenas e fomentar e estimular neles e nelas a creatividade co uso de restos que xa non se aproveita e  que ían rematar no lixo, o que nos permite sensibilizar ás novas xeracións dun xeito divertido sobre a importancia de darlle unha segunda vida aos obxectos e de reducir o que desbotamos”, salienta o concelleiro de Cultura, Fernando Groba. Esta actividade percorrerá tamén entre maio e xuño os centros culturais de Bugarín, San Mateo, Areas, Prado e Angoares.

    A actividade do vindeiro día 10, de balde, contará con prazas limitadas a un máximo de 15 participantes. As persoas interesadas poderán facer a reserva de praza no propio centro cultural Os Muíños de Oliveira.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.